Маън ибн Язийд ибн ал-Ахнас ибн Ҳабиб ибн Журра ибн Зеҳб ибн Молик ибн Хуфофа ибн Имриул Қайс ибн Буҳата ибн Сулайм ас-Сулмо. 

Бу зот ҳам, у кишининг оталари ва боболари ҳам Пайғамбаримиз соллаллоҳу алайҳи васалламнинг саҳобалари эдилар. 

У кишининг кунялари Абу Язийд бўлиб, Сулайм қабиласидан эдилар. Димашқ фатҳида иштирок этганлар. Аввал Куфада, кейин Мисрда ва охири Шомда истиқомат қилганлар. «Сиффийн» жангида Муовия тарафидан иштирок этганлар. 

  Ҳазрати Умарнинг халифалик даврларида мансаблардан бирида ўтирганлар, «Мараж раҳт» воқеасида Заҳҳоқ ибн Қайс билан бирга бўлганлар ва ҳижратнинг 64-санасида ўлдирилганлар.