Ҳасан ал-Банно - (1906-1949) - имом шайх. Аввал Рашод мадрасаси, Маҳмудиядаги (Қуйи Миср) Эъдодий мадрасада, сўнг Қоҳирадаги Дорул-улумда таълим олди Ёшлигиданоқ "Адабий ахлоқ жамиятиЪЪ кейинроқ "Ҳаромдан ман этиш жамияти" каби ташкилотлар тузиб ижтимоий ҳаётда фаол иштирок этди. 1928 й.да бир нечта дўстлари билан "Ихвон ул-муслимин", яъни "Мусулмон биродарлар" жамиятини тузди. Ушбу жамоанинг мақсади жузъий ва мазҳабий ихтилофларни четлаб Қуръон ва суннатга қайтиш бўлган. Ҳ.Б. исломни дин ва давлат сифатида, шариатни эса, ҳаётнинг тарбиявий ижтимоий иқтисодий ва сиёсий жабҳаларида инсон тасарруфотларини тартибга солиб турувчи низом деб ҳисоблаган. Ҳ.Б. ҳафталик "ал-Ихвон ул-муслимин" ва кейинчалик "ан-Назир" журналларини нашр этган. Уни китоб таълиф этишга вақт бўлмаган. Кейинчалик турли рисола ва маърузалари тўпланиб "Мажмуат ур-расоил китоби тайёрланган.