Абу Муҳаммад Абдураҳим ибн Зайд ад-Дорий ан-Насафий Насаф олимларидан. Хуросонга бораёт­ган­ла­рида Абул Аббос ал-Мустағфирий билан бирга сафарда бўл­ган­лар. Насафда Абу Аҳмад Қосим ибн Муҳаммад ал-Қанта­рийдан, Иштихонда Абу Бакр Муҳаммад ибн Аҳмад ал-Иштиханийдан, Кушонияда Абу Али Исмоил ибн Муҳаммад ал-Кушонийдан, Бухорода Абу Бакр Аҳмад ибн Муҳаммад ал-Исмоилийдан таълим олганлар. Абул Аббос ал-Мустағфирий айтадилар: «Мен у кишидан битта ҳадис ёзиб олганман. Ҳижрий 396 (милодий 1006) йилнинг ражаб ойида 30 ёшда вафот этганлар».