Абу Абдуллоҳ Убайдуллоҳ ибн Амр ал-Баздавий пешқадам муҳаддис олимлардан. Каъб ибн Саъид ал-Қози, Аҳмад ибн Ҳафс ал-Ижлий ва Абу Ваҳб Муҳаммад ибн Музоҳимдан ҳадис ривоят қилганлар. Ўзларидан эса Абу Сулаймон Довуд ибн Нусайр ал-Бухорий ҳадис ривоят қилганлар. Абу Муҳаммад Абдуллоҳ ибн Наср ал-Баздавий, Убайдуллоҳ ибн Амр, Исо ал-Асқалоний ва Абу Исо ат-Термизийдан ҳадис илмидан таълим олганлар. Убайдуллоҳ ибн Амр ҳижрий 323 (милодий 936) йилда вафот этганлар.