Абу Бакр Мусъида ибн Асфа ал-Фарғоний ал-Қубовий Қубонинг пешқадам уламоларидан эдилар. Асли марвлик бўлиб, Қубода яшаганлар. Самарқандга келиб, шу ерда ҳадисдан таълим олганлар. Муҳаммад ибн Жаҳм ас-Симмарий, Иброҳим ибн Абдуллоҳ ал-Абасий ва Яҳё ибн Фазл ал-Хужандийдан ҳадис ривоят қилганлар. Ўзларидан эса Абу Бакр Муҳаммад ибн Исмат ал-Муқри ҳадис ривоят қилганлар.