Абу Муҳаммад Умар ибн Аҳмад ал-Ғандобий ал-Марғиноний шу маҳалладан бўлиб, «ал-Фарғоний» номи билан танилганлар. Самарқандда муфтий эдилар. Фиқҳ илмини қози Маҳмуд ал-Узжандийдан таълим олганлар. Кучли фақиҳ эдилар. Қулоқлари яхши эшитмасди, бироқ баланд овозни эшитардилар. Балхда Абу Жаъфар Муҳаммад ибн Ҳусайн ас-Саминжоний, Абу Али Исмоил ибн Аҳмад ал-Байҳақий ва Абу Бакр Муҳаммад ибн Абдураҳмон ал-Хатибдан таълим олганлар.  Ҳижрий 485 (милодий 1093) йили Ғандоб маҳалласида таваллуд топганлар.