Абу Мусо Ҳорун ибн Ҳумайд аш-Шоший забардаст фақиҳ эдилар. Абул Валид ат-Таёлисий ва Сулаймон ибн Ҳарбдан ҳадис ривоят қилганлар. Шош аҳли у кишидан таълим олган. Абу Ҳотам ибн Ҳиббон айтадилар: «У фақиҳ ул-бадан (жисму жони фақиҳ) эди». «Фақиҳ ал-бадан»нинг маъноси: «Аннаш шахса тамкуну фил-фиқҳи ҳатта ихталата билаҳмиҳи ва дамиҳи ва сора сажийятан фийҳи» (Бир киши фиқҳни қалбига шундай жо қилади. Ҳатто шундай бўладики, фиқҳ унинг жону дили бўлиб қолади). Абу Мусо Ҳорун аш-Шоший ҳижрий 266 (милодий 880) йилда вафот этганлар.