Абу Наср Муҳаммад ибн Абу Бакр аш-Ширғовашуний  - Бухоронинг Ширғовашун қишлоғидан бўлиб, илм талабида Хуросон ва Ироққа бориб, у ердаги машойихлардан таълим олганлар, кейин Бухорога қайтганлар. Абу Муслим Иброҳим ибн Абдуллоҳ ал-Кажий, Абу Шуайб ал-Ҳарроний, Муҳаммад ибн Абдуллоҳ ал-Муқри, Юсуф ибн Яъқуб ал-Қози ва Абу Аммора Муҳаммад ибн Аҳмад ал-Кушмиҳанийдан таълим олганлар. Ўзларидан эса жиянлари Абу Аҳмад Муҳаммад ибн Аҳмад аш-Ширғовашуний ҳадис ривоят қилганлар. Ҳижрий 346 (милодий 958) йилда вафот этганлар.