Оталари Иброҳим ибн Имрон ас-Симажурий фозил амирлардан бўлиб, Абу Бакр Муҳаммад ибн Исҳоқ ва Муҳаммад ибн Ҳурайс ал-Бухорийдан таълим олганлар. Бу киши адолатли амир, адиб ва олим эдилар. Хуросондан Райгача, Турк шаҳарларигача бинолар қурдирганлар. Бухорода ҳукмдорлик қилганлар. Шунингдек, Марв, Нишопур ва Ҳиротда ҳам ҳукмдор бўлганлар. Ҳижрий 336 (милодий 948) йилнинг шаввол ойида вафот этганлар.