Абул Ҳaсан Али ибн Аҳмад ат-Табарий ар-Руёний асли Табаристоннинг Руён шаҳридан бўлиб, Бухорода яшаганлар. Бу киши имом, фозил ва Шофеъий мазҳабининг фақиҳи эдилар. Мазкур мазҳабда мумтоз бу зот Имом Абул Қосим ал-Фуроний ва Абу Саҳл Аҳмад ибн Али ал-Абивардийдан фиқҳ илмидан таълим олганлар. Ўзларидан эса Абу Амр Усмон ибн Али ал-Пайкандий таълим олганлар. Ҳижрий 483 (милодий 1091) йилнинг рамазон ойида Бухорода вафот этганлар.