Абу Муҳаммад Ҳайдар ибн Муҳаммад ал-Бухорий ал-Жунайдий Бухоро аҳлидан бўлиб, машҳур олимлардан. Ҳотам ибн Аҳмад ас-Сайрафий ал-Бухорий ва Абу Муҳаммад Абдураҳмон ар-Розийдан ҳадис ривоят қилганлар. Бу кишидан эса Абу Саъд ал-Идрисий ал-Ҳофиз ҳадис ривоят қилганлар ва шундай деганлар: «Ҳижрий 357 (милодий 969) йили Бухорода ва ҳижрий 360 (милодий 972) йили Самарқандда биз у кишидан ҳадис ёзиб олганмиз».