1441 йил 26 рабиъул аввал | 2019 йил 23 ноябрь, шанба
Минтақа:
ЎЗ UZ RU EN AR

ҚОМУС

Муҳаммад ал-Жаржароий ал-Ҳофиз -

Абу Бакр Муҳаммад ибн Идрис ал-Жаржароий ал-Ҳофиз Бухорода яшаганлар. Бу киши ҳофиз ал-ҳадис, ишончли муҳаддис, ҳуснихатлари чиройли хаттот эдилар; хайрли ишларга доимо бош-қош бўлар ва кўп рўза тутардилар. Илм талабида Бухорога келгунларига қадар Абу Бакр Аҳмад ибн Иброҳим ал-Исмоилий, Абу Аҳмад ибн Юсуф ад-Димашқий, Абу Бакр Муҳаммад ибн Аҳмад ал-Жаржароий ва бошқа олимлардан таълим олганлар. Ўзларидан эса Абул Аббос ал-Мустағфирий ал-Ҳофиз ва Абул Ҳасан Али ибн Муҳаммад ал-Жаъфарий ҳадис ривоят қилганлар. Ҳижрий 415 (милодий 1025) йил рабиъул аввал ойининг бешинчисида, шанба куни Бухорода вафот этиб, ўша куни Пайкандга олиб борилиб, шу ерда дафн қилинганлар.

Энг кўп кўрилганлар
Топ рейтинг www.uz Openstat