Қуст – Ҳинд, Хитой ерларида ўсадиган ўсимликнинг илдизи. Шунинг учун уни «ҳинд қусти» дейилган. У Араб жазирасига одатда денгиз орқали келтирилгани учун уни «денгиз қусти» ҳам деб аталган. Унинг оқ ва қора тури бўлиб, оқини «денгиз қусти», қорасини «Ҳинд қусти» дейишади. Ибн Сино унинг яна бир турини ҳам айтган. Ушбу илдизнинг пўстлоғи жуда ҳам фойдали бўлиб, кўпгина касалликларни даволашда ишлатилган. Уни бурунга қабул қилиш уч хил усулда бўлган: 1. Пўстлоқнинг толқонини бурунга тортиш; 2. Илдизни ёққа ивитиб, ўша ёғни бурунга томизиш; 3. Толқонини сувга аралаштириб, бурунни чайиш.