1442 йил 13 рабиъул аввал | 2020 йил 30 октябрь, жума
Минтақа:
ЎЗ UZ RU EN
Янгиликлар

Лондонда Қуръони карим мусобақасининг якуний босқичи бўлиб ўтади

15:00 / 07.12.2018 911 pdf Ўқиш режими + -

Жорий йилнинг 9 декабрида Лондонда Қуръони карим мусобақасининг якуний босқичи бўлиб ўтади. Бу ҳақда IQNA хабар беради.

Тадбир Лондондаги Исломий маданият жамияти томонидан пешин намозидан сўнг ўтказилади. Хабарда айтилишича, мусобақага тайёргарлик авжида. Ушбу йиллик анъанавий қорилар мусобақасининг якуний босқичида 25 та иштирокчи учта алоҳида йўналиш (5 та жуз, 15 та жуз ва 30 та жуз) бўйича биринчи, иккинчи ва учинчи ўринлар учун  баҳс олиб борадилар.

Мусобақанинг дастлабки босқичи ўтиб бўлган. Унда жами 200 киши ўзаро куч синашиб, финал босқичгача 25 нафари етиб келган.

Танлов иштирокчилари Қуръони каримнинг баъзи қисмларини ёддан ўқиб берадилар, танлов шартларига кўра саволларга жавоб берадилар. Шартлар халқаро ҳамда миллий вакиллардан иборат бешта ҳакам томонидан баҳоланади.

Ушбу йиллик танлов 2016 йилда Буюк Британияда ташкил этилган National Huffadh Association томонидан ташкил этилмоқда. Мазкур уюшма мамлакатда истиқомат қиладиган 3 мингдан ортиқ ҳофизи Қуръонни рўйхатга олган. Мусобақага АҚШдан Муфтий Муҳаммад Восимхон, Танзаниядан қори Абдуллоҳ Доудий, Ҳиндистондан қори Илёс Бадот каби машҳур кишилар таклиф этилган. Тадбирнинг асосий ҳомийси халқаро “Muslim Charity” хайрия ташкилоти ҳисобланади. 1, 2 ва 3-ўрин соҳибларига пул мукофоти берилади. 30 та жузни ёд олиш йўналиш бўйича биринчи ўринни олган ҳофизга Британия Ҳаж консули ҳисобидан Умра зиёратига йўлланма берилади.

Islom.uz портали таҳририяти

Манба
IQNA
Мавзуга оид мақолалар
Торонтодаги икки кунлик ҳалол озиқовқат фестивалига шимолий Америкадан 35000 киши ташриф буюрган. Бу ҳақда alukahga таяниб iqna хабар беради.Ҳалол озиқовқат фестивали давоми...

530 10:00 / 30.07.2019
2019 йил 25 март куни ижтимоий тармоқларда Ўзбекистон мусулмонлари идораси расмий иш қоғоси нусхасига ёзилган бир нечта шахслар тўғрисидаги маълумотлар сохтадир. давоми...

1052 22:05 / 25.03.2019
Ганада фаолият олиб бораётган Намааrdquo ривожланиш хайрия халқаро ташкилоти мамлакатнинг шимолида жойлашган Баса вилояти, Камули қишлоғида умумий майдони 80 метр давоми...

963 16:08 / 19.11.2018
Islom.uz интернет портали қуйидаги бўш иш ўринларга танлов ўтказилишини эълон қилади 2 та сайт муҳарририУшбу вазифаларга қўйиладиган талаблар мазкур йўналишда давоми...

2925 06:44 / 14.07.2018
Топ рейтинг www.uz Openstat