Бақара сураси, 193-оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ва улар билан то фитна бўлмайдиган бўлиб, дин Аллоҳники бўлгунича жанг қилинг. Агар тўхтасалар, золимлардан бошқаларга душманлик йўқ. Бақара 193.
Бу оятларда келган «фитна» сўзининг маъноси аввал ҳам айтиб ўтилди. Яъни кишиларни диндан қайтариш, динга қарши ҳаракат қилиш фитнадир. У қатл этишдан ҳам ёмонроқдир. Ушбу ояти каримада мусулмонларни урушга киришга мажбур қиладиган сабаблар баён қилиниб, фитна бўлмаслиги учун ва дин Аллоҳга бўлиши учун, дейилмоқда.
«Ва улар билан то фитна бўлмайдиган бўлиб, дин Аллоҳники бўлгунича жанг қилинг».
Демак, мусулмонлар инсониятга ёмонликни раво кўриб, одамларни диндан қайтариб, уларга Аллоҳ берган яхшиликдан тўсадиганларга қарши урушга кирар эканлар.
«Агар тўхтасалар, золимлардан бошқаларга душманлик йўқ».
Зулмдан, куфрдан қайтсалар, уларга душманлик йўқ. Аввал урушни кимлар билан қилиш, сўнг қайси маконда қилишнинг баёни келди. Ҳарам ҳудуди уруш қилиб бўлмайдиган макон экани айтилиб, у ерда ноилож қолгандагина урушиш мумкинлиги айтилди.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
