Бақара сураси, 100-оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳар қачон бирор аҳд қилсалар, улардан бир гуруҳи уни бузаверадими?! Йўқ! Кўплари иймон келтирмаслар. Бақара 100.
Яҳудийларнинг аҳдни бузувчи халқ экани аввалги оятлар ила собит бўлган эди. Ушбу оятда уларнинг яна бир жиҳатлари фош этилмоқда. Яъни улар тарқоқ фикрли одамлар ҳамдир. Бирларининг бошқалари билан иши йўқ: ҳавойи нафси хоҳласа, аҳду паймонларини бузаверадилар. Ҳамиша шундай. Улар Аллоҳга Тур тоғи тагида қилган аҳдларини ҳам буздилар.
Набий алайҳиссалом Мадинаи Мунавварага дастлаб келганларида, яҳудийлар очиқ душманлик қилиб турганларига қарамай, улар билан аҳднома тузган эдилар.
Яҳудийлар охирги замон Пайғамбари Муҳаммад алайҳиссаломга берган аҳд-паймонларини ҳам буздилар.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
