Бошидан ўтказган билади
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Юсуф алайҳис салом доим оч юрар эканлар. У кишига: «хазинанинг калити қўлингизда бўлса, нима учун оч юрасиз?», дейишибди. Шунда Юсуф алайҳис салом: «Агар мен тўқ юрсам очларнинг ҳолини ҳис қилмай қўяман», деб жавоб берган экан.
Ҳа, бошдан ўтказган яхши билади, яхши тушунади, яхши ҳис қилади. Шунинг учун «қорни тўқнинг қорни оч билан нима иши бор» деб бекорга айтилмаган.
Демак биз кўпинча аҳамият бермай эътиборсиз бўладиган, ўзга инсонлар эса мубтало бўлиб турган айрим мусибат ва ташвишларнинг баъзида бизга ҳам етиб туриши Роббимиз тарафидан уларнинг ҳолини бизга ҳис қилдириш, уларнинг ташвишига бизларни ҳам шерик қилиш учун бўлган бўлиши ҳам мумкин. Чунки ҳеч бирорта иш беҳикмат бўлмас.
Қудратуллоҳ Сидиқметов
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
