Саудия Арабистонининг Ўзбекистондаги элчихонаси ифторлик дастурхонини ёзди
Саудия Арабистонининг Ўзбекистондаги элчихонаси пойтахтимиздаги International меҳмонхонасида ифторлик дастурхонини ёзди.
Маросимда давлат ва жамоат арбоблари, хорижий мамлакатларнинг Ўзбекистондаги дипломатик ваколатхоналари ходимлари, сиёсатчи ва дипломатлар, ишбилармон диоралар вакилари, ОАВ журналистлари иштирок этди.
Ифторликда Саудия Қироллигининг Ўзбекистондаги мухтор элчиси таклифига биноан Ўзбекистон Мусулмонлар идораси раиси, муфтий Нуриддин Холиқназаров ҳам қатнашди.
Муфтий ҳазратлари қутлуғ Рамазон ойининг фазилатлари, тинч-осойишта кунлар, икки мамлакат ўртасидаги иқтисодий-сиёсий алоқаларнинг ўрнатилгани билан бирга, диний-маърифий соҳада ҳам дўстона муносабатларнинг мустаҳкамланаётганини алоҳида қайд этди.
Шунингдек, Саудия Арабистони элчихонаси ифторлик маросимида Президент маслаҳатчиси Музаффар Комилов, Ўзбекистон президентининг ташқи сиёсат масалалари бўйича махсус вакили Абдулазиз Комилов, Дин ишлари бўйича қўмита раиси Содиқ Тошбоев ва бошқа дипломатлар ҳам қатнашди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
