Аллоҳ таолонинг азамати банданинг маъсиятдан қайтишига кифоядир
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Аллоҳ таолонинг азамати, улуғлигининг ўзиёқ банданинг маъсият ишдан қайтишига кифоядир. Дўзах ва унинг катталиги қаерда-ю Аллоҳ таолонинг азамати, қудрати қаерда?
Аллоҳ таолонинг буюклиги ва улуғлигидан қўрқиб маъсиятни тарк қилган киши билан дўзах ва унинг улканлигидан қўрқиб маъсиятни тарк этишининг фарқи каттадир.
Аллоҳга қасамки, агар биз Аллоҳ таолони ҳақиқий таниганимизда эди, барча нарсани улоқтириб ташлаган, Ундан ўзга ҳеч нарсага тааллуқ, боғланмаган бўлардик.
Лекин биз доим ўзимизни оқлаймиз, умуман айбу хатоси йўқ, покдек тутамиз.
Аслида эса, агар Аллоҳ таоло бир бандасини бошқа бандаларининг зиён-зараридан асрашни ихтиёр этса, унинг қалбидан дунё муҳаббатининг барча шакллари, суратлари ва шаҳватлари билан бирга чиқариб ташлайди. Сўнгра унга ўзининг маърифатининг сирини жойлаб қўядики, у энди Аллоҳга ҳақиқий бандага айланади.
Шайх Аҳмад Фатҳуллоҳ Жомийнинг
«Ад дурару баҳияти фил васоял Жаамия» асаридан
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
