1446 йил 16 шаъбон | 2025 йил 15 февраль, шанба
Минтақа:
ЎЗ UZ RU EN
Кун дуоси

Саҳар чоғини ғанимат билинг!

04:00 / 18.08.2022 1875 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Муъоз ибн Анас Жуҳаний розияллоҳу анҳудан ривоят қилинади:

«Набий соллаллоҳу алайҳи васаллам: «Ким бомдод намозини ўқиб бўлганидан кейин намоз ўқиган жойида то чошгоҳ намозини ўқигунича ўтирса. Фақат яхшиликдан бошқа(нарса)ни гапирмаган бўлса, унинг хатолари, агар денгиз кўпигидан кўп бўлса ҳам, мағфират қилинур», дедилар».

Абу Довуд ва Термизий ривоят қилишган.

Термизийнинг лафзида:

«Ким бомдодни жамоат билан ўқиса, сўнгра қуёш чиққунча Аллоҳни зикр қилиб ўтирса, кейин икки ракъат намоз ўқиса, унинг учун ҳаж ва умранинг ажридек бўлур. Тўлиқ, тўлиқ, тўлиқ», дейилган.

Ушбу ривоятда васф қилинаётган намоз салотуш-шуруқ (ишроқ намози) ҳам дейилади. «Шуруқ» ёки «ишроқ» сўзи қуёш чиқишини билдиради. Саҳар чоғи ниҳоятда фазилатли чоғ экани ҳақида кўплаб ҳадислар бор. Жумладан, ушбу ҳадиси шарифда ҳам бомдод намози билан қуёш чиққунча бўлган вақтни Аллоҳ таолонинг зикри ила ўтказишга тарғиб қилинмоқда. Ишроқ намози чошгоҳнинг энг аввалги вақтидаги намоздир. Саҳар чоғи Аллоҳ таолонинг ибодати, зикри билан машғул бўлиш ўта фазилатли ишдир.

Манба
islom.uz
Мавзуга оид мақолалар
1. Кимки .Машааллоҳу лаа қуввата илла биллаҳ,, деса, кўз тегишидан омондан бўлади. Зеро, Аллоҳ таоло ....ажаб эмаски, Роббим менга сенинг боғингдан яхшироғини берса,, давоми...

1562 11:24 / 13.03.2024
Савбон розияллоҳу анҳудан ривоят қилинадиРасулуллоҳ соллаллоҳу алайҳи васаллам қачон намозни тугатсалар, уч марта .Астағфируллоҳ,, деб сўнгра .Аллоҳумма давоми...

17762 08:56 / 01.02.2019
.Али розияллоҳу анҳудан ривоят қилинади.Расулуллоҳ соллаллоҳу алайҳи васаллам тўшакларига ётаётганларида . . .Аллоҳумма инний аъузу биважҳикал давоми...

4030 10:00 / 26.12.2020
Аллоҳумма Солли ъала Муҳаммадин ва азважиҳи ва зурриййатиҳи, кама соллайта ъала али Иброҳийм, ва барик ъала Муҳаммадин ва азважиҳи ва зурриййатиҳи, давоми...

1984 11:58 / 25.09.2024