Шайх Муҳаммад Холид Хорса ҳамда шайх Аҳмад Муҳаммад Фодил ҳазратлари «Ҳилол-нашр» нашриётида ҳадисдан ижозалар бердилар
Маълумки, юртимизда замонамизнинг машҳур алломалари – шайх, доктор Муҳаммад Холид Хорса ҳамда шайх, доктор Аҳмад Муҳаммад Фодил ҳазратлари азиз меҳмонимиз бўлиб туришибди.
2022 йил 13 июнь куни азиз меҳмонлар «Ҳилол нашр» нашриётининг мажлислар залида илмий-маърифий суҳбат қилиб бердилар.
Ушбу суҳбат машҳур аллома ва муфтий Саййид Маҳмуд Ал-Ҳамзаавийнинг «Ал-каваакибуз-зааҳиро фил арбаъийнил мутаваатиро» китоби ҳамда баъзилар наздида «Силсилатул ибрииз биссанадил азиз» номи билан машҳур бўлган Абу Муҳаммад Ал-Ҳасан ибн Алий ибн Абу Толиб Ҳусайний Балхийнинг «Ал-арбаъунил мусилсилати билъитротит тоҳироти» ҳадис китобларини санадалари билан тўлиқ ўқиб, шарҳлаб бердилар. Ушбу китоблар бўйича иштирокчиларга ижоза бердилар.
Суҳбат жараёнида иштирокчилар ўзларини қизиқтирган мавзуларда саволлар бердилар ва азиз меҳмонлар томонидан илмий асосланган қониқарли жавоблар берилди.
Илмий суҳбат сўнгида машҳур алломаларга ўзбек миллий либоси кийдирилди ҳамда қимматбаҳо ва эсдалик совғалар тақдим этилди.
Азиз устозларга Исмоил домла Муҳаммад Юсуф томонидан ташриф ва суҳбат учун самимий ташаккурлар билдирилди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
