1441 йил 3 жумадис сони | 2020 йил 28 январь, сешанба
Минтақа:
ЎЗ UZ RU EN AR
Фиқҳ

Исроф – ҳаромдир

05:00 / 06.03.2017 1336 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Албатта, ўзимизга керакли нарсаларни қўлга киритишга, хоҳлаганимизни эса улоқтиришга одатланганмиз. Аммо биз кераксиз деб ташлаб юборган нарсамиз ёки егуликлар кимлар учундир ҳаёт манбаи бўлса, не ажаб?.. Бу нарса бизни ўйлантирмагани ва неъматга бепарволик қилганимиз, жуда ачинарли. Лекин ҳар бир вақтни ғанимат билиб, берилган неъматларнинг қадрига етиб, шукр қилувчилар ҳам оз эмас, албатта. Аллоҳ таоло ҳам исроф қилувчиларни суймайди ва Исро сурасининг 27-оятида шундай марҳамат қилади: «Албатта, исроф қилувчилар шайтонларнинг биродарлари бўлганлар. Шайтон эса Роббисига ўта ношукр бўлгандир».

Исроф қилиш берилган неъматларга ношукрлик демакдир. Шундай экан ҳар нарсада тежамкор ва парҳезкор бўлиш, ҳаётнинг, берилган умрнинг, ҳар дақиқасининг қадрига етиш муҳимдир. Маълумки, ўзбек халқи меҳмондўст бўлиш билан бирга тўй-ҳашамлар, маросимлар, турли хил зиёфатларга бой бўлган ажойиб халқидир. Бу жуда ҳам яхши фазилат, албатта. Бироқ, ана шундай маросимларда исрофгарчиликка йўл қўйилаётгани натижасида билиб-билмай, оятда айтилганидек «… шайтонларнинг биродарлари… » сифатига эга бўлиб қолинмаётганмикин?!.

Уч-тўрт хил овқатлар, ширин таомлар, ичимликлар буларнинг барчаси манманлик ва хўжакўрсин учун қилинган амаллар сирасига кириб, алал-оқибат исрофгарчиликка сабаб бўлгани боис, савоб иш билан бирга гуноҳни ҳам ортириб олинаётганини билиб, бундан тийилиш, неъматнинг шукрини адо этган бўлинар эди. Еб-ичиш гуноҳ эмас, албатта, аммо исроф қилиш гуноҳдир. Имом Бухорий келтирган ривоятда Абдуллоҳ ибн Аббос розияллоҳу анҳу: «Сени икки хислат – фахрланиш ва исрофгарчилик хатога бошламаса, хоҳлаганингни еб, хоҳлаганингни ичавер», деганлар. Афсуски, аксарият кишилар еб-ичишнинг хилма-хил экани ва мўл-кўллиги билан роҳат-фароғат топаман, деб ўйлайдилар. Лекин «Қорним тўқ, не ғамим бор?» дейдиганлар адашадилар. Озиқ-овқатларни кўп истеъмол қилиш ҳам соғлиққа зарар эканини, кўп касалликларга олиб келишини тиббиёт исботлаган.

Бизни бундай исрофгарчиликлардан Аллоҳ таолонинг Ўзи асрасин.

Берган неъматларига беҳисоб шукрлар айтиб,

Ўзига яқин бўлиб яшамоқликни насиб этсин! Омин!

 

Фотиматуз зуҳро тайёрлади.


Муаллиф
islom.uz
Мавзуга оид мақолалар
ТақдимИслом динининг илк даврларидан бошлаб ҳаром ва ҳалол бирбиридан ажратилган, фарқлари Аллоҳ ва унинг Расули томонидан баён қилиб берилган эди. Бироқ, давоми...

2401 05:00 / 19.01.2017
Ижмоънинг умумий таърифиШариати исломияда бирор ҳукм чиқарилар экан, энг аввало, Аллоҳ таолонинг сўзи ndash Қуръони каримга мурожаат қилиш вожиб бўлади. Қуръон давоми...

1258 05:00 / 19.01.2017
Исломда аёл кишига бирор кишини нафақа билан таъминлаш мажбурияти юклатилмайди. Аёлнинг ўзига, фарзандларига, оиласига эри сарф қилади. Шунингдек, оила қуриш давоми...

805 15:33 / 02.03.2019
Кўчилик орасида айнан хамрrdquo сўзининг нотўғри талқин қилиниши натижасида турли хато фикрмулоҳазалар ва тушунмовчиликлар келиб чиққан. Ҳатто баъзилар Қуръони давоми...

1905 05:00 / 04.03.2017
Топ рейтинг www.uz Openstat