«Қуръони Карим мусобақаси 1442» танловининг саралаш босқичи бошланди
Бугун 4 январь куни устоз Зайниддин қори Муҳаммад Юсуф раҳимаҳуллоҳ хотирасига бағишланган «Қуръони Карим мусобақаси 1442» танловининг саралаш босқичига старт берилди. Очилиш маросими AzonTV нинг youtube ижтимоий тармоғида онлайн тарзида ўтказилди. Мусобақанинг очилиши Қуръони Карим тиловати билан бошланиб, устоз Абдулҳамид домла Турсунов ва Мубашшир Аҳмад домла томонидан дуолар қилинди.
Шунингдек, «Қуръони Карим мусобақаси 1442» йил мусобақаси Ўзбекистон мусулмонлари диний идораси, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита ва AzonTV илмий-маърифий онлайн телеканали бошчилигида ташкил этилди.
Мусобақа ҳифз ва тиловат йўналишида бўлиб, ғолибларни аниқлашда юртимизнинг тажрибали етук ҳофизлари, Қуръони Карим ходимлари, жумладан Ҳасанхон Яҳё Абдулмажид қори, Валихон қори Азимбоев Зоҳидхон ўғли ва Жасурбек қори Файзуллоҳ ўғли, ҳамда Муҳиддин қори Абдураҳмон ўғли ҳакамлик қилишади.
«Қуръони Карим мусобақаси 1442» саралаш босқичи тафсилотлари билан Qur'on Musobaqasi 1442 телеграм канали ва AzonTV онлайн телеканали орқали маълумот олишингиз мумкин.
Барчангизни Қуръон дастурхонига таклиф қиламиз!
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
