Басранинг саййиди
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Муҳаммад ибн Абу Алқама Абдулмалик ибн Марвоннинг олдига кириб, «Басранинг саййиди ким?» деб сўради. Абдулмалик ибн Марвон: «Ҳасан», деб жавоб берди. Муҳаммад ибн Абу Алқама: «У ажамми ёки арабми?» деди. Абдулмалик: «Мавло», деди. Муҳаммад ибн Абу Алқама: «Эй шўринг қурғур, мавло бўлган киши ҳам арабларнинг саййиди бўладими?» деди. Абдулмалик: «Ҳа, шундай», деди. Муҳаммад ибн Абу Алқама: «Нима учун?» деб сўради. Абдулмалик: «У бизнинг қўлимиздаги дунёга муҳтож эмас. Лекин биз ундаги илмга муҳтожмиз», деди. Муҳаммад қизиқиб қолиб, «Қани менга уни сифатлаб бер-чи», деди. Абдулмалик: «Одамларга буюрган нарсасини биринчи бўлиб ўзи бажаради, қайтарган нарсасидан энг биринчи бўлиб ўзи тийилади» деб, бутун Ислом умматининг энг парҳезкор уламоларидан бири, тобеъинлар улуғи ҳамда Басранинг саййиди бўлган Ҳасан Басрий раҳматуллоҳи алайҳни сифатлаб берди.
«Солиҳлар гулшани» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
