Қаҳрамон мараш

Каби силкинар юрагим

тўкилар мевалар

шаҳидлар Аллоҳнинг

шаҳидлар меним

оч ерга озуқ гида

ҳали шаҳид бўлмаган

шаҳидлар фиғонин

Аллоҳдан эмас

тўсар оламдан

қақшайман аламдан

севгида фарёд бор

оламни кар қилгулик сассиз

кўзлар юмуқ

ҳайқирурлар нафассиз

севгида фиғон бор

эй воҳ мотам ҳам бор экан севгида

ҳамдард аҳли жаҳон бор

эй воҳ жаҳон йўқ

кўр кар экан фалак севгида

киприклар кўзларни тўсган

нафаслар томоқни

йўқ нафаслар титратар

яқин йироқни

шому ироқни

эвоҳ олам зилзила

банда ожиз

Қодир Қодир алҳамдулиллаҳ

юрагимдан омон чиққан мева

зикр этар Аллоҳ исмини

ўйлаб жисмини

юрагимнинг дарзи очиқ

мева думалаб чиққан жой очиқ

кўксимни ёрар юрагим

кўнглим бу очиқдан чиқар очиққа

ағдарилар дейман устимга кўк

бошим ёрилмасдан олдин

қўяр кўксини миллатим миллатдошим

ўзи тасалли

чунки мен бир ўлдим

миллатим билан бирга

ки тупроқ остида нурман

миллат қуёшим

тирилгум туғилгум

нур сурдан

сур нурдан

қиёмат ҳаж

зилзила қиёмат

чайқалди Туркистон

Туркистон

Тур он

Қуръон тур он

келгайҳур он

ўтгай сурон

сур он

он ғанимат қон қалқинар силқинар

менинг елкам (туркча) жаҳон

туркча силкинар

бошинг омон бўлсин дейман ўзимга миллатимга

бўлсин дейман бошинг соғ омон!

Йўлдош Эшбек