«Ёлғоннинг умри қисқа» Устоз Салоҳиддин домла Шарипов номларидан чиққан ёлғон хабарларга раддия

Азиз мухлислар!

Биз ўзгаларнинг обрўсини тўкиш ниҳоятда осон бўлган бир даврда яшаяпмиз. Афсуски, бу каби  ишлар ўзини мусулмон деб билган инсонлар томонидан чинакам мўмин-мусулмонларга нисбатан амалга оиширилаётгани ачинарли ҳолдир. Бу нарса энг оғир гуноҳлардан эканини, бундай ишлар ўз эгасини улкан жазога лойиқ қилишини ҳар биримиз яхши тушуниб олишимиз лозим.

Интернет оламида тарқалган Салоҳиддин домла Шарипов номи билан боғлиқ икки видеотасвир сабабли биз – “Ислом.уз” жамоаси у кишига мурожаат қилдик. Ниятимиз асл ҳақиқатни билиш ва ундан оммани ҳам хабардор этиш эди.