1446 йил 17 рабиъул аввал | 2024 йил 20 сентябрь, жума
Минтақа:
ЎЗ UZ RU EN
Савол жавоб

Ҳақиқий суннатга мувофиқ соқол қўйиш қандай бўлади?

21:22 / 27.04.2016 16348 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳақиқий суннатга мувофиқ соқол қўйиш қандай бўлади? Яъни томоқнинг тагини қириш керакми ёки йўқми, соқол қўйиш 40 ёшдан кейин суннат унгача мустаҳабми, шунингдек мўйловни қириш мумкинми?

Бу саволда ҳам тўғри маънолар бўлиши билан бирга, ана шундай хурофот, билимсизлик, жоҳиллик асосида тарқалиб қолган гаплардан ҳам намуналар бор. Эркак киши балоғатга етганидан бошлаб, соқол қўйиши бизнинг динимизда бор. Соқолни қўйганда узунлиги тўғрисида гап кетганда кўпчилик фиқҳий мазҳабларда "бир тутам" бўлиши керак дейди. Яъни "қўлни жағга қўйиб туриб, тутамлаганда ўша тутами узунича бўлгани суннатга мувофиқ бўлади" дейилади. Бунга далил қилиб буюк саҳобий Абдуллоҳ ибн Умар (р.а.) нинг амаллари олинган. У киши ўша соқолларини тутамлаб туриб тутамидан ортиғини доим қирқиб, теккислаб юрганликлари бўлган, бошқа саҳобалар ҳам буни қилганлар. Ана шу маънода демак соқолни узунлиги атрофидан тўғрилаб юришлиги маънолари олинган. Энди томоқнинг остидаги тукларни қириш ёки қирмаслик тўғрисидаги масалага келганда уламоларимиз ихтилоф қилганлар. Баъзи-бирлари "қилиш керак эмас" деган бўлса, бошқа бирлари "қирса бўлади" деган маънони айтганлар. Бизнинг диёрларимизда ўша "қирса бўлади" деган гап тарқалган, унга амал қилиб келинган ва қилинмоқда ҳам. "40 ёшгача суннат, 40 ёшдан кейин суннат ундан олдин мустаҳаб" деган гап мутлақо нотўғри. деган гап йўқ. Балоғатга етгандан кейин соқол қўйиш борлиги динимизда таъкидланган нарса ҳисобланади. Мўйловни қириш мумкинми, дегани соқол қўйиб туриб мўйловни қирса бўлади. Пайғамбариси (с.а.в.)нинг ҳадисларида шу гап айтилган, "соқолни тўкис қўйинглар ва мўйловни қиринглар" деганлар. Бунга кўпроқ Покистон тарфда амал қилишади, соқоллари узун-узун бўлса ҳам мўйловни демак жуда таги билан қирмаса ҳам яхшилаб қириб юришади, ундай узайтириб юришмайди.

Муаллиф
islom.uz
Мавзуга оид мақолалар
СаволМен ўзим юргизиб турган фирмани сотиб олиш учун бир аёлдан қарз сўрадим. У аёл эри билан таништирди ва эри билан келишиб фирмадаги асосий техникани унга давоми...

3157 14:00 / 25.01.2018
САВОЛ Баъзилар совуқ пайтларда таҳоратга сув тайёрлашганда уни илиқлигини билиш учун бармоқларини сувга тиқиб кўришади. Баъзилар бунга қарши чиқиб, бу макруҳ, бу давоми...

2860 16:00 / 27.04.2016
СаволРамазон ойининг савоби жуда хам чексизлигидан уйда куръонни хатм килган афзалми ёки таровехга чикган афзалми устоз савобни купрок олиш истаги булганлиги давоми...

3604 09:05 / 29.05.2018
Ассалому алайкум Ҳурматли устозлар, бир масалада ойдинлик киритиб беришингизни истардим. Қайнотам ҳар жума куни набиралари боши қўл оёқларида пулни айлантириб давоми...

4589 06:10 / 21.09.2018
Аудиолар

129946 11:58 / 10.10.2018
«Ҳилол» журнали
Китоблар

50588 14:35 / 11.08.2021