Абу Туроб Исмоил ибн Тоҳир ал-Жавбақий ан-Насафий шу нисбат билан машҳурдирлар. Бу киши Насаф аҳлидан бўлиб, ҳофиз ал-Қуръон, фозил ва кўп ҳадис билувчи эдилар. Абул Фазл Аҳмад ибн Али ас-Сулаймоний ва Абу Абдуллоҳ ал-Ғунжор ал-Ҳофиздан ҳадис ривоят қилганлар. Ўзларидан эса Абул Аббос ал-Мустағфирий ҳадис ривоят қилганлар. Ҳижрий 430 (милодий 1039) йил зулҳижжа ойининг йигирма еттинчисида вафот этганлар.