1440 йил 11 жумадис сони | 2019 йил 16 февраль, шанба
Минтақа:
ЎЗ UZ RU EN AR
Сийрат

Суннатларни ўрганамиз ва амал қиламиз

14:09 / 21.11.2018 1845 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Пайғамбаримиз соллалоҳу алайҳи васалламнинг суннатларини ўрганиш учун ташкил этиладиган интернет дарсларига ҳафтада уч кун устозимиз марҳум Шайх Муҳаммад Содиқ Муҳаммад Юсуф ҳазратларининг “Ҳадис ва Ҳаёт”, “Ижтимоий одоблар” номли китобларига асосан  ҳадислардан сабоқлар бериб борилади.

Бисмиллаҳир Роҳманир Роҳийм

Ассалому алайкум, азиз юртдошлар.

Кузатиб бораётган бўлсангиз, islom.uz сайтида динимиз таълимотларини чуқурроқ ўрганиш, Ҳанафий мазҳабимиз борасидаги билимларимизни ошириш мақсадида ақийда, фиқҳ, сийрат, тафсир, тазкия бўйича махсус дарслар ҳамда турфа рукнлар остида мақолалар бериб борилмоқда.

Биз ана шу камтарона ҳаракатимизни янада кенгайтириш, кўпроқ самаралар олиш мақсадида “Суннатларни ўрганамиз ва амал қиламиз” шиори остида мусулмон киши учун ўта зарур бўлган, икки дунёсининг обод бўлишини таъминлайдиган сабоқларни ҳам йўлга қўймоқчимиз.

Бу, албатта, Пайғамбаримиз Муҳаммад соллаллоҳу алайҳи васалламнинг гўзал суннатларини ўрганиш ва уларга амал қилишни тарғиб этувчи ҳадислар билан бўлади.

Бундан буён ҳафтада уч кун islom.uz сайти орқали Пайғамбаримиз Муҳаммад соллаллоҳу алайҳи васалламнинг суннатларидан кичик мақолалар бериб борилади. Ҳусни хулққа чақирувчи ҳадислар ёдга олинади, ўрганиб амалда қўллашга ҳаракат этилади.     

Шунингдек, ҳар ой якунида ўрганилган суннатнинг ҳаётимизга, кундалик турмушимизга, одобу ахлоқимизга қандай ижобий таъсир ўтказгани ҳақида суҳбатлар ташкил этилади ва иштирокчилар суҳбатдошнинг хоҳишига кўра сайтимиз орқали ёритиб борилади.

Суннат сабоқлари ва уларнинг келгуси фойдалари муборак бўлсин, азизлар!

1-суннат

Ният тўғрисида

Умар розияллоҳу анҳудан ривоят қилинади:

«Набий соллаллоҳу алайҳи васаллам:

- عَنْ عُمَرَ رَضِيَ اللهُ عَنْهُ، عَنِ النَّبِيِّ صَلَّى اللهُ عَلَيهِ وَسَلَّمَ  قَالَ: إِنَّمَا الْأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى. رَوَاهُ الْخَمْسَةُ إِلَّا أَبَا دَاوُدَ.

«Албатта, амаллар ниятларга боғлиқдир. Албатта, ҳар бир кишига ниятига яраша бўлади», дедилар».

Бешовларидан фақат Абу Довуд ривоят қилмаган.

Чиндан ҳам Исломда ҳар бир нарсага ният шартдир. Шунинг учун кўпчилик фуқаҳолар: “Ҳар бир амалда ният фарз”, – деганлар.

Исломнинг буюк илоҳий неъматлиги шундан: банда ниятни яхшилаш билан ўз ҳожати учун қиладиган ҳар бир оддий ишни ҳам ибодат даражасига кўтара олади. Аммо бу улкан ҳақиқатни, қани эди, тўлалигича англаб етсак! Минг афсуски, ниятни тўғрилай олмаслигимиз туфайли ибодат учун қилган қанчадан-қанча амалларимиз қабул бўлмай қолади.

Ҳар бир амал ниятга қараб баҳоланади. У тил билан бажариладиган амалми, бадан билан адо этиладиганми, фарзми, вожибми, суннатми, нафлми, ишқилиб, ҳаммасининг тўғри бўлиши ниятга боғлиқ. Шариат ҳукми бўйича ният қилинмай адо этилган амал қабул ҳисобланмайди.

Киши нимани ният қилса, ўша ниятидаги нарсага эришади. Пешин намозининг фарзини ўқияпман, деб ният қилса, ўша намознинг савобини олади. Нафл рўза тутаяпман, деб ният қилса, нафл рўзанинг савобини олади.


“Ҳадис ва ҳаёт” китобидан

Муаллиф
Шайх Муҳаммад Содиқ Муҳаммад Юсуф
Мавзуга оид мақолалар
Батаҳқиқ, Аллоҳ мўминларга марҳамат кўрсатди ичларига ўзларидан уларга Аллоҳнинг оятларини тиловат қилиб берадиган, уларни поклайдиган ҳамда китобни ва давоми...

1470 20:25 / 09.01.2018
Албатта, кўзда тутилаётган элчилик осон эмас эди. Шунинг учун ҳам қурайшликлар бу ишга яхши тайёргарлик кўрдилар ва элчилик вазифасига ораларидан энг етук давоми...

957 16:13 / 23.12.2017
Насронийлар мўғил қабилаларига уларни насроний динига киритиш учун даъватчиларини юборар эдилар. Туғёнкор золим Хулокухон ўзининг насроний хотини Зафархотун давоми...

1316 19:01 / 28.04.2017
Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам.Албатта, менинг ва мендан олдинги анбиёларнинг мисоли худди бир уйни яхшилаб, давоми...

862 20:03 / 11.12.2018
Видеолар

182 14:11 / 15 февраль
Аудиолар

8906 11:58 / 10.10.2018
Китоблар
Топ рейтинг www.uz Openstat