1440 йил 18 жумадис сони | 2019 йил 23 февраль, шанба
Минтақа:
ЎЗ UZ RU EN AR
Ҳадис

Қўшнига яхшилик қилиш (36-тавсия)

18:21 / 14.08.2017 2861 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Зарр розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Эй Абу Зарр, шўрва пиширсанг, сувини кўпроқ қилиб, қўшниларингдан ҳабар ол», дедилар».

Муслим ривоят қилган.

Муслимнинг бошқа бир ривоятида Абу Зарр розияллоҳу анҳу шундай деган: «Халилим соллаллоҳу алайҳи васаллам менга шундай тавсия қилдилар: «Шўрва пиширсанг, сувини кўпроқ қилгин, кейин қўшниларингга қарагин, ундан уларга очиқ чеҳра билан бергин».

 Абу Ҳурайра розияллоҳу анҳудан ривоят қилинади: 

«Расулуллоҳ соллаллоҳу алайҳи васаллам шундай дедилар: «Ким Аллоҳга ва охират кунига иймон келтирган бўлса, қўшнисига озор бермасин! Ким Аллоҳга ва охират кунига иймон келтирган бўлса, меҳмонини икром қилсин! Ким Аллоҳга ва охират кунига иймон келтирган бўлса, яхши гап айтсин ёки жим турсин!»

Бухорий ва Муслим ривоят қилишган. 

 Ушбу ҳадислардан олинадиган фойдалар:

1. Мусулмон одам қўшниларининг ҳолидан хабар олиб туриши яхши ишдир.

2. Бир-икки коса шўрвани арзимас санамай, қўшниларга беравериш керак.

3. Қўшнига берилаётган нарсани кўнгилдан чиқариб, очиқ юз билан бериш керак.

4. Аллоҳга ва охират кунига иймон келтирган одам қўшнисига озор бермайди. 

5. Аллоҳга ва охират кунига иймон келтирган одам меҳмонини икром қилади.

6. Аллоҳга ва охират кунига иймон келтирган одам яхши гап айтади ёки жим туради.

 

Муҳаммад Алий Муҳаммад Юсуф тайёрлади



Муаллиф
islom.uz
Мавзуга оид мақолалар
Умар розияллоҳу анҳудан ривоят қилинади .Пайғамбар соллаллоҳу алайҳи васаллам .Албатта, амаллар ниятга боғлиқдир. Албатта, ҳар бир кишига ният қилган нарсаси давоми...

2134 17:04 / 08.01.2017
Суннатнинг санад жиҳатидан тақсимиСуннат, ҳадислар санади бўйича, яъни ривоят қилган кишилар эътиборидан Ҳанафий мазҳаби уламолари наздида учга бўлинади1. давоми...

896 15:05 / 19.11.2018
ҚАБАСОТУН МИН ҲАЁТИР РАСУЛ Расулуллоҳ соллаллоҳу алайҳи васаллам ҳаётларини ўрганиш13қисмАЛЛОҲ УЧУН МУҲАББАТ.Агар ер юзидаги ҳамма нарсани сарф қилсанг ҳам, давоми...

2455 17:44 / 07.04.2017
.Ибн Аббос розияллоҳу анҳу.Жоҳилият аҳли баъзи нарсаларни ер эдилар. Баъзи нарсаларни эса ифлос санаб, тарк қилар эдилар. Бас, Аллоҳ Ўз Набийси соллаллоҳу алайҳи давоми...

1848 17:31 / 03.05.2018
Топ рейтинг www.uz Openstat