1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Уламолар

Жалолиддин Суютий

22:18 / 27.04.2017 4992 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Тўлиқ исмлари Абдураҳмон ибн Абу Бакр Жалолиддин бўлиб, она диёрлари бўлмиш Мисрнинг жанубидаги Асют шаҳрига нисбат берилиб, Суютий деб номландилар. Бу киши ҳадис, тафсир, тилшунослик, тарих, адабиёт, фиқҳ ва бошқа кўплаб илм соҳаларининг моҳир билимдони бўлган қомусий олимдирлар. Ҳижрий 849, милодий 1445 йилда Қоҳирада туғилдилар ва шу шаҳарда ўсиб-улғайдилар. 


У киши Шом, Ҳижоз, Яман, Ҳиндистон ҳамда Ғарбий Африканинг бир қатор мамлакатларига сафар қилганлар. Мисрда бир қанча нуфузли мансабларда фаолият кўрсатганлар. 40 ёшга етганларида ҳамма мансаблардан воз кечиб, қолган умрларини китоб ёзишга бағишладилар. Бутун умрлари давомида 600 га яқин китоб ёзганлари ривоят қилинган. Бу асарлар орасида катта томлилари ҳам, кичик ҳажмдаги рисолалар ҳам бор. Мисрлик машҳур профессор Аҳмад Шарқовий ўзининг "Жалол Суютий кутубхонаси" китобида алломанинг ёзган асарлари 725 тага етишини қайд этган. 

У кишининг машҳур асарлари: 

1. Ал-жомеъ ал-кабир фий аҳадийсин Назийр ал-Башийр. 

2. Ал-жомеъ ас-сағир фий аҳадийсин Назийр ал-Башийр. 

3. Ал-итқон фий улумил Қуръон. 

4. Ад-дуррул мансур фит тафсир би-л-маъсур. 

5. Танвирул ҳаваалик фий шарҳи Муваттоил Имами Малик. 

6. Ал-хосоису вал-муъжизот ан-Набавийя. 

7. Табақот ал-ҳуффоз. 

8. Табақот ал-муфассирин. 

9. Буғятул вуъот фий табақот ал-луғавиййин ван-нуҳот. 

10. Ал-фарийда алфия фин-наҳв. 

11. Алфия фий мусталаҳил ҳадис. 

12. Ал-лаолиул маснуъа фил аҳадисил мавзуъа. 

13. Тафсирул Жалолайн. Бу тафсирни Жалолиддин Маҳаллий билан ҳамкорликда ёзганлар. 

Бундан ташқари бир қанча шеърий девонлари ҳам бор. 

Аллома Жалолиддин Суютий ҳижрий 911, милодий 1505 йилда Қоҳирада вафот этганлар. Аллоҳ у кишини раҳматига олиб, қолдирган асарларидан фойдаланишни барчамизга насиб этсин. Омин! 


Нозимжон Ҳошимжон



Муаллиф
islom.uz
Мавзуга оид мақолалар
Уларнинг қисқача таржимаи ҳоли ва илмий фаолияти билан таништирамиз. Устоз Миср Араб республикаси, Қоҳира шаҳрида истиқомат қилади. Қоҳира университети усулид давоми...

1265 18:58 / 15.11.2022
Шайх Муқрий Маҳмуд Фатҳий Али Мусо 1982 йилда таваллуд топган. Ёшлигиданоқ Азҳари Шариф жомеасига боғланган. Бошланғич таълимни Азҳарда давом эттириб, шу ерда давоми...

1102 14:31 / 19.08.2022
Мулла Аҳмадхон қори 1914 йили Наманган шаҳри, Сардоба даҳаси ҳозирги Нодира кўчасида зиёли оилада таваллуд топди. Қиблагоҳи мулла Бобохон ваф.1947 қори, бобоси эса давоми...

1685 17:00 / 14.04.2022
Устоз, ҳофизи Қуръон Абдулғофур махдум домла 1948 йили бемор бўлиб ётиб қолдилар. Ҳазратни зиёрат қилиб, дуоларини олиш мақсадида, диёримизнинг турли гўшаларидан давоми...

1718 17:00 / 16.03.2022
Аудиолар

118753 11:58 / 10.10.2018
Фотолар

6971 09:50 / 18.04.2018
«Ҳилол» журнали
Китоблар

40711 14:35 / 11.08.2021