1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Сотувдаги янги маҳсулотлар

«Ёлғон» китоби қайта нашр этилди

11:34 / 05.02.2018 3427 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шайх Муҳаммад Содиқ Муҳаммад Юсуф ҳазратларининг қаламларига мансуб «Ёлғон» деб номланган китоблари.


     МУҚАДДИМА

     Бандаларини ёлғондан қайтарган Аллоҳ таолога битмас-туганмас ҳамду санолар бўлсин!
     Умматларига ёлғон нималигини батафсил тушунтириб, унга йўл қўймаслик қандай амалга оширилишини кўрсатиб берган маҳбуб Пайғамбаримиз Муҳаммад Мустафога мукаммал ва батамом салавоту дурудлар бўлсин!
     Илоҳий таълимотлар бутун борлиқни яратган ва унда инсонни Ўз халифаси қилиб қўйган, ҳамма нарсани билувчи, мутлақ адолат эгаси бўлган Аллоҳ таоло томонидан нозил қилингандир.
     Аллоҳ барча нарсани, шу жумладан, Ўзи яратган борлиқда яшаётган инсонга нима муносиб келади-ю, нима муносиб келмайди – дақиқ-дақиқларигача яхши билади. Шунинг учун ҳам Аллоҳ таоло томонидан жорий қилинган таълимотлар шомил ва комилдир.
Илоҳий-диний таълимотлар содир этилган бирон-бир жиноят инсонга маълум бўлмай қолганида ҳам, оламларнинг Робби – буюк Аллоҳ бандаларнинг энг нозик ишларини ҳам билиб туришини, қилинган заррача жиноятининг жазосини бу дунёда бўлмаса ҳам, у дунёда албатта олишини қаттиқ таъкидлайди.
     Исломий тушунчаларга кўра, маънавий жиноятлар моддий жиноятларга нисбатан янада хатарлироқ бўлади. Яна бир бор таъкидлаймизки, айнан маънавий жиноятлар моддий жиноятларнинг содир бўлишига сабабчидир.
    Ислом таълимотларига кўра, балоғатга етган ҳар бир инсоннинг барча маънавий жиноятлари, жумладан, заррача ёлғони ҳам жазосиз қолмайди. Ҳар бир ёлғони номаи аъмолига ёзиб борилади ва улар учун қиёмат куни жазосини албатта олади. Ёлғончи Аллоҳнинг душмани ҳисобланади ва қиёматда энг оғир азоблар ила жазоланади.
     Умуман олганда, озгина бўлса-да, Аллоҳга иймони мавжуд, қиёматдан умиди бор инсонлардан ташкил топган жамиятда заррача ёлғонга ўрин қолмайди.
     Шунингдек, бундай жамиятнинг каттаю кичик, эркагу аёл, фуқарою уламо, камбағалу амалдорлари ҳам ҳеч қачон ёлғон гапирмасликка ҳаракат қиладилар.
     Ёлғон – фақат ёлғончининг шахсига эмас ёки ёлғондан бевосита зарар топувчигагина эмас, балки бутун жамиятга, инсониятга зарар етказадиган катта маънавий жиноятдир. Шунинг учун ҳам Исломда бу разолатга нисбатан ўта муросасиз муносабатда бўлинган ва унга ҳеч йўл қўймасликка ҳаракат қилинган.
   Келгуси ожизона сатрларда ушбу разил маънавий жиноят – ёлғон ҳақида қўлдан келганича сўз юритиш ниятидамиз. Мақсад, халқимиз ичида ушбу офат ҳақидаги тушунчани ойдинлаштириш, унинг таҳликали оқибатларидан жамиятимизни поклаш ва яхшиликнинг кўпайишига ҳисса қўшишдир.  

Муаллиф: Шайх Муҳаммад Содиқ Муҳаммад Юсуф
Номи: «Ёлғон»
Нашриёт: «HILOL NASHR» нашриёт-матбааси
Сана: 2018 йил
Ҳажми: 80 бет
ISBN: 978-9943-4360-3-9
Ўлчами: 84×108 1/32
Муқоваси: қаттиқ

Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 7998-сонли хулосаси ила чоп этилган

Китобда қуйидаги масалаларга оид маълумотлар ўрин олган:

Муқаддима
Ёлғоннинг таърифи
Ёлғоннинг сабаблари
Ёлғоннинг турлари
Ёлғоннинг ҳукми
Билимсиз фатво бериш ва билганини
яшириб, бошқа гапни айтиш энг катта ёлғондир
Ёлғон ибодатларга футур етказади
Ёлғон – гуноҳи кабирадир
Ёлғон – Аллоҳнинг ҳузурида «каззоб»
деб ёзилиш сабабидир
Фолбинлар – ёлғончилар
Эшитганини суриштирмай гапирган ёлғончидир
Ёлғонни ҳадис деган дўзахидир
Қасамидан тонган ўта ёлғончидир
Кўрмаган тушини «кўрдим»,  деган ёлғончидир
Ёлғон энг ёмон хулқдир
Ёлғон ризқни камайтиради
Одамларни кулдириш учун ҳам ёлғон гапириш мумкин эмас
Ёлғон туфайли қалбни моғор босади
Ёлғоннинг сассиғидан фаришта қочади
Ёлғонни тарк қилиш буюк фазилатдир
Ёлғоннинг бошқа турлари
Ёлғонга уч ҳолатда рухсат бор
Гапни буриб гапиришга рухсат бор
Нима қилмоқ керак?
Фойдаланилган адабиётлар


Тошкент шаҳри: (+998 71) 216 29 27

Тошкент, Чорсу (+998 91) 134 82 88

Тошкент, Шайҳонтоҳур (Кўкча) (+998 97)  7552370

Наманган шаҳари: (+998 90) 322 25 22

Андижон шаҳри: (+998 90) 2110574

(илтимос код билан теринг!)

Марғилон шаҳри: (+99895) 401 49 03

Самарқанд шаҳри: (+99891) 522 44 99

Денов шаҳри: (+99893) 5035694

Ургенч шаҳри: (+99891) 4210010

www.hilolnashr.uz

(Иш вақти 09:00 - 17:00) 



Муаллиф
islom.uz
Мавзуга оид мақолалар
Тафсири Ҳилол керакмиАввал хабар қилинганидек, порталимизга сиз азизлардан келиб тушаётган кўплаб илтимослар, талаб ва таклифлар асосида Россия Федерациясида, давоми...

3943 05:00 / 02.02.2015
Шайх Муҳаммад Содиқ Муҳаммад Юсуф ҳазратларининг қаламларига мансуб .Қарз ва унга боғлиқ масалалар, деб номланган китоблари тожик тилида . БИСМИЛЛАҲИР РОҲМАНИР давоми...

1473 15:56 / 19.10.2023
quotСунний ақийдаларquot китоби қайта нашр этилдиШайх Муҳаммад Содиқ Муҳаммад Юсуф ҳазратларининг .Сунний ақийдалар, деб номланган китоблари қайта нашрдан давоми...

2954 05:00 / 02.02.2015
quotҲадис ва Ҳаётquot силсиласининг 13жузи қайта нашр этилдиШайх Муҳаммад Содиқ Муҳаммад Юсуф ҳазратларининг қаламларига мансуб .Ҳадис ва Ҳаёт, туркумининг .Никоҳ, давоми...

3684 05:00 / 02.02.2015
Аудиолар

118756 11:58 / 10.10.2018
«Ҳилол» журнали
Китоблар

40715 14:35 / 11.08.2021