1440 йил 21 шаъбон | 2019 йил 26 апрель, жума
Минтақа:
ЎЗ UZ RU EN AR
Кун ҳадиси

Ҳаким ибн Ҳизом розияллоҳу анҳудан ривоят қилинади

06:05 / 14.09.2018 1024 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳаким ибн Ҳизом розияллоҳу анҳудан ривоят қилинади:

«Расулуллоҳ соллаллоҳу алайҳи васалламдан (нарса) сўраган эдим, бердилар. Кейин яна сўраган эдим, яна бердилар. Кейин яна сўраган эдим, яна бердилар. Сўнгра: «Эй Ҳаким! Албатта, бу мол-дунё барра ва тотлидир. Ким уни нафс тўқлиги билан олса, унга бунда барака берилади. Ким уни нафс очлиги билан олса, унга бунда барака берилмайди. Худди ебтўймасга ўхшаб қолади. Юқори қўл қуйи қўлдан яхшидир», дедилар. Шунда мен: «Эй Аллоҳнинг Расули, сизни ҳақ ила юборган Зотга қасамки, сиздан сўнг то дунёни тарк этгунимча ҳеч кимдан ҳеч нарса олмайман», дедим».

Абу Бакр розияллоҳу анҳу Ҳакимни ато* бериш учун чақирар, у эса (атодан) бирон нарса қабул қилишга кўнмас эди. Кейинроқ Умар ҳам уни ато бериш учун чақирди, у яна қабул қилишга кўнмади. Шунда (Умар): «Эй мусулмонлар жамоаси! Мен ушбу файдан* Аллоҳ унга ажратган ҳаққини таклиф қиляпман, у эса олишга кўнмаяпти», деди.

Ҳаким Набий соллаллоҳу алайҳи васалламдан кейин то вафот этгунича бирорта одамдан бирон нарса олмади».

Муттафақун алайҳ.

* Ато – раҳбарнинг ҳузурида жамланган ўлжа, садақа, ҳадя ва бошқа нарсалар.

* Фай – жангсиз қўлга киритилган ўлжа.

Муаллиф
islom.uz
Мавзуга оид мақолалар
Абдуллоҳ ибн Амр ибн Осс розияллоҳу анҳумодан ривоят қилинади.Расулуллоҳ соллаллоҳу алайҳи васалламни.Қачон муаззиннинг азон айтаётганини эшитсанглар, у давоми...

1081 09:05 / 04.03.2018
Муоз ибн Жабал розияллоҳу анҳудан ривоят қилинади.Мен Набий соллаллоҳу алайҳи васаллам билан бирга эшакка мингашиб кетаётган эдим. У зот .Эй Муоз, Аллоҳнинг Ўз давоми...

1067 09:20 / 31.05.2018
Абдуллоҳ ибн Каъб ибн Молик розияллоҳу анҳудан ривоят қилинадиАбдуллоҳ оталари Каъб ибн Моликнинг кўзлари ожиз бўлиб қолганда етаклаб юрардилар. Каъб ибн Молик давоми...

1250 09:05 / 07.11.2017
Жобир розияллоҳу анҳу айтади.Набий соллаллоҳу алайҳи васаллам ухлаб ётганларида, ҳузурларига фаришталар келдилар. Баъзилари.Ухлаб ётибди,, дейишди. Бошқалари эса давоми...

1171 10:30 / 20.08.2017
Топ рейтинг www.uz Openstat