1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Сараланган

Хиромантия ҳақида

05:00 / 14.03.2017 5111 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ислом таълимоти хиромантия ҳақида нима дейди? Хиромантия ҳақ таълимми? Мусулмонлар хиромантия билан шуғулланишлари ёки шуғуллаётганларга мурожаат қилишлари жоизми?

Бу саволларга Канаданинг Торонто Ислом университетининг катта устози Аҳмад Катти жавоб беради:

Меҳрибон ва раҳмли Аллоҳ номи билан
Хиромантия, яъни қўл кафтига қараб инсоннинг келажагини башорат қилиш, ҳеч қандай илм эмас. Хиромантнинг башорати тахмин-гумонларга асосланган бўлиб, ҳеч қандай илмий асосга эга эмас. Ислом хурофот ва иррационал амалиётларнинг ҳар қандай турини танқид ва инкор қилади. Биз мусулмонлар Аллоҳ Таолодан бошқа ҳеч ким ғайбни билмаслигига иймон келтирганмиз. Фақат Аллоҳ Таологина келажак ҳақида аниқ билимга эгадир. Шунинг учун ҳам мунажжим ва келажак ҳақида хабар берадиганларга мурожаат қилиш шариат бўйича тақиқланади (ҳаром).
Хиромантия билан жуда кўп салбий ҳолатлар боғлиқ. У лоқайдлик ва дангасаликка ҳам сабаб бўлиб, ишонувчан одамлар ҳисобига фирибгарларнинг бойишларига сабаб бўлади.
Расулуллоҳ соллаллоҳу алайҳи васалламнинг бир дуолари бор: “Аллоҳим, Сенинг номинг ила ғам-ташвишдан, ожизлик ва дангасаликдан, қўрқоқлик ва бахилликдан, қарз эзиб қўйишидан ва кишиларнинг қаҳридан паноҳ тилайман” (Абу Довуд ривояти).
Хиромантия – фақат Аллоҳ Таоло билиши мумкин бўлган нарсалар ҳақида бўлгани ҳамда фақат гумонга асослангани учун Исломнинг асосий таълимоти тавҳидга зиддир. Расулуллоҳ соллаллоҳу алайҳи васаллам мусулмонларни бунга ўхшаш нарсалардан қайтарганлар. Расулуллоҳ соллаллоҳу алайҳи васаллам айтадилар: “Кимки башоратгўй ёки фолбиннинг олдига бориб, айтаётган гапини рост деб билса, у шубҳасиз, Муҳаммадга тушган нарсага куфр келтирибди” (Абу Довуд, Насоий, Ибн Можа).
Расулуллоҳ соллаллоҳу алайҳи васаллам яна айтдилар: “Кимки башоратгўйнинг олдига бориб, ундан бирон нарсани сўраса ва уни тасдиқласа, қирқ кунгача унинг биронта ҳам намози қабул қилинмайди”. (Муслим ривояти).
Аллоҳ Таоло иймонларимизни камайишига ёки унга футур етишига сабаб бўладиган нарсалардан ўзи сақласин. Омин.

IslamOnline.net материаллари асосида Абу Муслим тайёрлади

Муаллиф
islom.uz
Мавзуга оид мақолалар
Фатво беришда тойиладиган жойлардан бири бир неча асрлар муқаддам фиқҳ ёки фатво китобларида ёзилганларга қотиб қолиб замон ва макон шароитларини, урф ҳамда давоми...

2640 05:00 / 14.03.2017
.Фитрат, сўзи Аллоҳ таоло одамларни яратгандаги соф табиат, Аллоҳ таолонинг соф дини маъноларини билдиради. .Фитрат суннатлари, деганда эса, Аллоҳ таоло юборган давоми...

4191 05:00 / 13.03.2017
Ушбу оятни илк бор ўқиган одам ғариб маъно чиқариб, шундай ўйга бориши мумкин .Аллоҳга ишониб, унинг ягоналигини эътироф этганим иймон келтирганим эмасми Такроран давоми...

3203 12:15 / 15.03.2017
Сабр қилиш қийин ва машаққатли бўлса ҳам илм ва амал қоришмасидан унинг маъжунини тайёрласа бўлади. Зотан, қалбнинг барча хасталикларига худди шу икки нарса, илм давоми...

3479 05:00 / 14.03.2017
Аудиолар

118790 11:58 / 10.10.2018
«Ҳилол» журнали
Китоблар

40741 14:35 / 11.08.2021