1441 йил 7 шаввол | 2020 йил 30 май, шанба
Минтақа:
ЎЗ UZ RU EN AR
Тафсири ҳилол

Бақара сураси, 276-оят

11:48 / 13.06.2018 2515 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ рибони нобуд қилур ва садақаларни ўстирур. Ва Аллоҳ ҳар бир кофир, гуноҳкорни суймас. Бақара 276. 

Бандалар пул-моллари зиёда бўлиши учун рибохўрлик қиладилар ва ўзларига келган фойдани санаб юрадилар. Аслини олганда, бунинг тескариси бўлади.Чунки

«Аллоҳ рибони нобуд қилур…»

Судхўрнинг пули ҳисоб жиҳатидан кўп бўлса ҳам, Аллоҳ унинг баракасини кўтариб, егани ўзига юқмайдиган қилиб қўяди. Судхўрни турли касалликларга дучор қилади, тинчлигини, хотиржамлигини олади. Яна биз билмайдиган кўп бало-офатларга дучор қилади.

Шунингдек, сиртдан қараганда, садақа қилган кишиларнинг моллари камайганга ўхшайди. Аслида эса иш бунинг тескариси бўлади: Аллоҳ

«…садақаларни ўстирур».

Агар ҳисобда садақа қилувчининг молининг ҳажми оз бўлса ҳам, Аллоҳ унга барака ато қилади, бало-офатлардан сақлайди, ўзини тинч, хотирини жам қилади.

Имом Аҳмад ибн Ҳанбал раҳматуллоҳи алайҳи қилган ривоятда Набий алайҳиссалом:

«Рибо гарчи кўпайса ҳам, оқибати, албатта озайишга қайтади», – деганлар.

Имом Муслим ва имом Термизийлар Абу Ҳурайра розияллоҳу анҳудан ривоят қилган ҳадисда Пайғамбаримиз алайҳиссолату вассалом:

«Ким ҳалол касбидан бир дона хурмо миқдорича садақа қилса, зотан, Аллоҳ ҳалолдан бошқани қабул ҳам қилмайди, албатта, Аллоҳ уни ўнг қўли билан қабул қилади ва сизлар тойчоқни ўстирганингиздек, ўстириб, Уҳуд тоғича қилади», – деганлар.

«Ва Аллоҳ ҳар бир кофир, гуноҳкорни суймас».

Шундан кўриниб турибдики, рибохўрлар кофир ва гуноҳкор ҳисобланар эканлар.

Муаллиф
islom.uz
Мавзуга оид мақолалар
2 2. .Ушбу Китобда ҳеч шубҳа йўқ, у тақводорларга ҳидоятдир,.Яъни .Қуръони карим шундай Китобки, унинг ҳақлигига ҳеч шакшубҳа йўқ. Унда ҳамма нарса очиқойдин, давоми...

1818 21:39 / 19.04.2017
У ер юзидаги барча нарсани сизлар учун яратган, сўнгра осмонга юзланиб, уларни етти осмон қилиб тўғрилаган Зотдир. Ва У ҳар бир нарсани ўта билувчидир. Бақара 29.Ер давоми...

1538 10:40 / 10.08.2017
Дунё ва охират ҳақида. Сендан етимлар ҳақида сўрарлар. Сен .Уларга ислоҳ қилиш яхшидир,, ndash деб айт. Агар уларнинг молларини аралаштириб юборсангиз, бас, давоми...

1376 23:30 / 27.02.2018
Бирбирларингизнинг молларингизни ботил йўл билан еманг. Билиб туриб, одамларнинг молларидан бир қисмини гуноҳ ила ейишингиз учун уни ҳокимларга ташламанг. давоми...

1715 14:35 / 26.01.2018
Видеолар

245 18:32 / 23 май
Аудиолар

37172 11:58 / 10.10.2018
«Ҳилол» журнали
Топ рейтинг www.uz Openstat