203 15.04.2018

Маъруф сўз ва кечирим ортидан озор келадиган садақадан кўра яхшироқдир. Ва Аллоҳ беҳожатдир, ўта ҳилмлидир. Бақара 263. 

«Ортидан озор келадиган садақа»нинг кераги йўқ. Ундан кўра бир оғиз ширин сўз ва кечиримли бўлиш яхшироқдир. Бир оғиз бўлса ҳам, ширин сўз қалбнинг жароҳатига малҳам бўлади, кишининг кўнглини кўтаради. Кечириш эса ҳасад ва ёмонликни ювиб ташлаб, ўрнига муҳаббат ва дўстликни солади. Шундай экан, албатта, бу ишлар «ортидан озор келадиган садақадан кўра яхшироқ»-да.

«Ва Аллоҳ беҳожатдир, ўта ҳилмлидир».

У бой – бировнинг садақасига муҳтож эмас. У ҳалимдир – бандалари ношукрлик қилсалар ҳам, уларнинг гуноҳларини ўтиб, ризқларини бераверади.