1445 йил 14 зулқаъда | 2024 йил 22 май, чоршанба
Минтақа:
ЎЗ UZ RU EN
Жаннат райҳонлари

Husaynni yaxshi ko’rganni Alloh yaxshi ko’radi

11:03 / 29.01.2019 5571 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Aziz bolajonim! Bobongiz, buvingiz, ota-onangiz yoki boshqa kimdir sizni erkalasa, mahkam  quchoqlasa,  sayr qildirsa, o’ynatsa, yuzlaringizdan o’psa, chimchilasa, bilingki, ularning qalbiga Alloh mana shunday mehr-muhabbat joylagan. Sizni ko’rganda ich-ichidan quvonchga, zavq-u shavqqa to’ladi.

Mehr ko’rsatish, rahimdillik qilish borasida Payg’ambarimiz Muhammad alayhissalomdan o’tadigan  kishi yo’q. Keling, U zotning bolalarga bo’lgan e’tiborlari haqida yana bir misol ko’raylik.   

Ya’lo ibn Murra roziyallohu anhudan rivoyat qilinadi:

«Nabiy sollallohu alayhi vasallam bilan yo’lga chiqdik. Taomga chaqirilgan edik. Qarasak, Husayn ko’chada o’ynab yuribdi. Nabiy sollallohu alayhi vasallam tezda odamlardan oldinga chiqib, bolaga qarab qo’llarini cho’zib, shoshib yurib ketdilar.

Bola hali u yoqqa, hali bu yoqqa qochardi. Kulishdi. Oxiri Nabiy sollallohu alayhi vasallam uni ushlab, ko’tarib oldilar. Bir qo’llarini jag’iga, bir qo’llarini boshiga qo’yib, siladilar, so’ng quchoqladilar. So’ngra:

«Husayn mendandir, men Husayndandirman. Kim Husaynni yaxshi ko’rsa, Alloh taolo uni yaxshi  ko’radi. Husayn nabiralardan biridir», dedilar».

Ushbu hadisdan ham Rasululloh sollallohu alayhi vasallamning nihoyatda bolajon, kichkinalarni

yaxshi ko’radigan zot bo’lganlari, nabiralarini qanday erkalashlari, quchoqlashlari, yaxshi ko’rishlari ko’z o’ngimizda namoyon bo’lib turibdi.

Shu bilan birga, imom Husayn roziyallohu anhuning fazilatlari qanchalik ulug’ bo’lganini, Rasululloh sollallohu alayhi vasallam u kishi haqlarida buyuk bir bashoratni aytganlarini, u kishini yaxshi ko’rgan odamni Alloh taolo yaxshi ko’rishi haq ekanini bilib olamiz. Demak, ushbu hadisga amal qilib, kichkinalarimizni erkalatib, o’ynatib, quchoqlab, o’pib, xursand qilib, ayni paytda imom Husayn roziyallohu anhuga bo’lgan muhabbatimizni farzandlarimizga ham singdirib borishimiz kerak ekan.

«Hadis va hayot» kitobidan

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Rostgo`ylik nimaRostgo`ylik bu so`z yoki amalning haqiqatga to`g`ri kelishidir. Masalan, o`qituvchingiz sizdan .Uyga vazifani bajardingmi, ndash deb so`raganda siz .Ha,, ndash deysiz. Haqiqatda ham uyga vazifani bajargan bo`lsangiz, rostgo`ysiz, gapingiz haqiqatga to`g`ri keldi, bo`lmasa, давоми...

6048 11:00 / 21.06.2023
Nil daryosi sohillarida Firaposavnning ko`p qasrlari bor edi. Firaposavn qasrdan qasrga ko`chib, nil sohilidagi qasrlarida sayr qilar edi. Bir kun u oyoqlari tagida shovillayotgan daryoga tikilib o`tirardi. U bilan birga Misr malikasi ham bor edi.U podshoh bilan birga sayr qilib yursa, banogoh давоми...

2873 15:00 / 29.08.2021
Aqlli bolalar ko`chaga chiqishdan oldin oila a`zolariga bu haqda xabar berib, ularga yaxshi tilaklar bildiradi va duolarini so`raydi. Otaonasidan alohida duo oladi.Bunday qilish bolalarning odobli ekaniga ishoradir. Otaonasidan, boboyu buvisidan, yaqinlardan duo olib, ko`chaga chiqqan bolaning давоми...

5117 13:00 / 09.02.2019
11Alloh, Nuhni oaposz qavmiga elchi qilib yuborishni xohladi. Qavmda boylar va boshliqlar bor edi, lekin Alloh oaposz risolati topshirigaposini bajarishga Nuhni tanladi. Ulardan birortasini tanlamadi. Alloh, Oaposz topshirigaposini kim koapostara olishini biladi. Alloh omonatini kim koapostara давоми...

2308 14:03 / 17.11.2019
Аудиолар

121734 11:58 / 10.10.2018
«Ҳилол» журнали
Китоблар

43173 14:35 / 11.08.2021