1445 йил 20 зулқаъда | 2024 йил 28 май, сешанба
Минтақа:
ЎЗ UZ RU EN
Суннат ва замонавий илм

Ўлимдан сўнг ҳаёт борлиги илмий исботланди

17:30 / 24.12.2018 18307 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Берлин техника университетининг бир гуруҳ шифокор ва психолог мутахассислари ўлимдан сўнг ҳаёт мавжуд эканини исботлашди.

Тўрт йил давомида олиб борилган клиник тадқиқотларда 944 нафар киши кўнгилли равишда иштирок этди. Улар махсус модда қабул қилиб, 20 дақиқалик клиник ўлим ҳолатига туширилди. Шифокорлар махсус кардиопулмонал жиҳозлар (юрак фаолиятини таъминлаш ва сунъий нафас олдириш ускуналари) ёрдамида уларнинг ҳолатини назорат остида ушлаб туриб, белгиланган муддат ўтгач, қондаги озонни фильтрлаш ёрдамида клиник ўлимдан қайтариб, кома ҳолатидан чиқариб туришди. Бу каби усул аввал ҳам ишлатилган бўлиб, 40-60 дақиқа давомида нафас олмай, клиник ўлим ҳолатида ётган беморларда ҳам фойда берган эди.

Тажрибаларга доктор Бертольд Акерман бошчилик қилди. Унинг гуруҳи тажрибада қатнашган беморларнинг клиник ўлим пайтидаги хотираларини тўплаш билан шуғулланди.

Тўпланган маълумотлар шуни кўрсатдики, клиник ўлим ҳолатига тушиб, кейин яна ўзига келган кишиларнинг аксарияти деярли бир хил хотираларни сўзлаб беришган. Масалан, деярли ҳар бир иштирокчи ўзига хос руҳий кечинмани – руҳи танасидан ажралганини, хотиржамлик, ҳаловат, илиқлик сезганини, ёруғ нур кўрганини айтиб берган.

Тажрибанинг асосий натижаси ўлимдан кейин ҳам ҳаёт борлигини кўрсатмоқда. Лекин баъзи тадқиқотчилар бу каби уринишларни одобдан ташқари ишлар сифатида таснифлаб, танқид қилмоқдалар.

Экспертлар эса клиник ўлим ҳолатида ҳис қилинган бу каби кечинмалар беморларнинг дунёқарашига, диний эътиқодига боғлиқ эмаслигини айтиб, бу хотиралар авваллари айтилганидек, галлюцинация эмас, балки реал ҳиссиётлар эканини таъкидлашмоқда. Дарҳақиқат, кўнгиллилар орасида турли дин вакиллари – насронийлар, мусулмонлар, яҳудийлардан ташқари умуман динсиз, даҳрийлар ҳам бўлган.

«Биламан, натижаларимиз кўпчилик инсонларнинг эътиқодига зид келиши мумкин. Лекин бу тадқиқотлар ёрдамида биз инсониятни азалдан қизиқтириб келган саволларидан бирига жавоб топдик. Шу боис, инсонлар бизни маъзур тутадилар, деган умиддаман. Ҳа, дарҳақиқат, ўлимдан сўнг ҳаёт бор экан. Бу ҳаммага тааллуқли», дейди доктор Акерман.

Шундай экан, ўлимдан кейин қайта тирилишга ишонмайман, деган одамлар бу ҳақда чуқурроқ ўйлаб кўришлари керак бўлади.

 “Қуръон ва Суннатдаги илмий мўъжизалар” китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Олимларни ҳайрон қолдирган бир тадқиқотда чумоли ўзини ва атрофини ажиб тарзда тозалаши маълум бўлди. У ўзини ва атрофини шу даражада тозалар эканки, биз давоми...

3632 09:08 / 18.06.2021
Берлин техника университетининг бир гуруҳ шифокор ва психолог мутахассислари ўлимдан сўнг ҳаёт мавжуд эканини исботлашди.Тўрт йил давомида олиб борилган клиник давоми...

5522 16:10 / 30.05.2021
учинчи мақолаҚизилўнгачимиз.Қизилўнгач овқат ҳазм қилиш тизимининг ҳалқум билан ошқозон ўртасидаги қисми. Одамда қизилўнгач орқа кўкс оралиғида жойлашган 2325 см давоми...

1784 17:15 / 10.02.2021
2016 йилда .Психология фанлари, Psychological Science журналида нашр этилган бир тадқиқот хулосасида айтилишича, олимлар эҳтирос, ҳиссиёт кўз орқали бир шахсдан бошқасига давоми...

1867 15:40 / 12.09.2021
Аудиолар

122072 11:58 / 10.10.2018
«Ҳилол» журнали
Китоблар

43442 14:35 / 11.08.2021