Босния-Герцеговинада Пайғамбаримиз алайҳиссаломга бағишланган тадбир бўлиб ўтди
Ушбу тадбир Босния-Герцеговинадаги Нақшбандия тариқати марказида юқори савияда ташкил этилди. Бу ҳақда IQNA хабар берди.
“Улуғ Пайғамбар соллаллоҳу алайҳи васалламни ҳурмат билан ёдга олиш” деб номланган мазкур маросимда иштирок этган Бония-Герцеговина Тариқатлар маркази раҳбари Шайх Сурайё Ҳожи Милич барча мусулмонлар қатори босниялик мусулмонлар ҳам Пайғамбаримиз соллаллоҳу алайҳи васалламни, аҳли оилаларини жуда ҳам севишларини, у Зот алайҳисалломнинг ворисларига катта ҳурмат кўрсатишларини эслатиб ўтди. Ислом жамоати раҳбари Ҳусайн Кавазович эса Расулуллоҳ соллаллоҳу алайҳи васалламнинг хос жиҳатларини Қуръони каримдаги оятлар билан тушунтириб берди.
Маросимда Пайғамбаримиз соллаллоҳу алайҳи васалламга салоту саломлар айтилди, нашид ва қасидалар ўқилди.
Islom.uz портали таҳририяти
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
