1440 йил 2 рабиъус сони | 2018 йил 10 декабрь, душанба
Минтақа:
UZ RU EN AR
Янгиликлар

Жазоирда Қуръондаги илмий мўъжизаларга бағишланган тадбир бўлиб ўтди

16:34 / 06 декабрь 108 pdf Ўқиш режими + -

Жазоирда Қуръони каримнинг мўъжизаларига бағишланган халқаро симпозиум бўлиб ўтди, деб хабар беради International Quran News Agency. Тадбир Лагуата шаҳридаги Ислом фани ва тараққиёти тадқиқот маркази томонидан ташкил этилди.

“Қуръон ва суннатдаги илмий мўъжизалар” номи билан ўтган икки кунлик симпозиум дунё олимларини Аллоҳнинг китобини ўрганишда илмий ёндашувни қўллашга чақирган. Тадбир, ўз навбатида янги олимларга илмий ишланмаларни янада ривожлантиришлари учун ўзига хос муҳокама майдони бўлди.

Симпозиумда “Илмий кашфиётлар ва уларнинг Қуръон ҳамда суннатга мувофиқлиги”, “Илмий мўъжиза ва замонавий экзегеза”, “Қуръондаги абстракт тушунчалрнинг илмий изоҳи ва замонавий илмий кашфиётлар”, “Илмий мўъжизалар” масаласи”, “Қуръоннинг илмий мўъжизаларини ўрганишда шарқ олимларининг қўшган ҳиссаси” каби муҳим ҳамда қизиқарли мавзулар бўйича суҳбат ва баҳслар бўлди.

Тадбир жараёнида дунё олимлари ушбу мавзуда доимий асосда шуғулланиб туришлари учун илмий клуб ташкил этиш таклиф этилди. Шунингдек, Қуръондаги илмий мўъжизаларни ўрганишдаги фаолиятни янада ривожлантириш учун алоҳида илмий тадқиқотлар ўтказиш зарурлиги ҳам таъкидлаб ўтилди.

“Қуръони каримда билдирилганидек, мўъжизанинг илмий асосланиши исломофобларнинг турли бўлмағур қарашларига энг муносиб жавоб бўлади” дейди Жазоирдаги Блид Университети илмий ходими Хассиб Хосин. У олимларни шариат асосларини янада чуқурроқ ўрганиб, илмларини бойитишга чақирди.

Илмий тадбирда Жазоирдан ташқари Фаластин, Тунис, Буюк Британия ва бошқа давлатлардан таклиф этилган тадқиқотчилар иштирок этишди.

Лагуата шаҳридаги Ислом фани ва тараққиёти тадқиқот маркази томонидан 2018–2019 йиллар учун дин ва жамият мавзуларига дахлдор қатор миллий ва халқаро миқёсдаги тадбирлар ўтказиш режалаштирилган.

Islom.uz портали таҳририяти

Мавзуга оид мақолалар
Яратганга шукрки, юртимизда янги масжидларни бунёд этиш, мавжудларини замонавий шаклда қайта барпо қилиш ишлари бардавом бўлмоқда.Тошкент вилояти Бекобод шаҳар давоми...

328 10:04 / 09 октябрь
АҚШда бўлиб ўтган оралиқ сайловларида мамлакатда овоз бериш ҳуқуқига эга бўлган 95 фоизга яқин мусулмонлар иштирок этишди. Бу ҳақда Америкаислом муносабатлари давоми...

176 15:29 / 12 ноябрь
Россия Ташқи ишлар вазирлиги расмий вакилининг маълум қилишича, учрашув ҳақида келишолмаётган томонларнинг розилиги олинган бўлиб, у яқин кунлар ичида Москва давоми...

361 11:36 / 16 октябрь
Бугунги жумъа мавъизасида имомхатибларимиз quotЎз жонига қасд қилиш ndash оғир жиноятquot мавзусида маъруза қиладилар. Бу ҳақда ЎМИ расмий сайтида хабар берилмоқда. давоми...

1227 07:30 / 03 август
Топ рейтинг www.uz Openstat