1440 йил 15 шаввол | 2019 йил 19 июнь, чоршанба
Минтақа:
ЎЗ UZ RU EN AR
Мўминнинг баҳори

Марҳабо, мўминлар баҳори!

10:12 / 03.12.2018 591 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Эрталаб иш, ўқиш ёки бошқа бир сабаб билан йўл четида кетиб бораркансиз, кузнинг оёғингиз остига тўшаган гилами – олтин япроқларга бефарқ ўтиб кетмасангиз керак. Босиб ўтаётганингиз бандидан узилган баргларга қараб, уюлган хазонларга қараб умр ўтаётганини ўйлайсиз... Кузнинг адоғи, қишнинг аввали шу-да, дея хаёлланасиз... Бироқ озгина адашмаяпсизми? Қиш мўмин учун баҳор экани ёдингиздан кўтарилди, шекилли.

Пайғамбаримиз соллаллоҳу алайҳи васаллам нима деганларини эсланг:

“Қиш мўминнинг баҳоридир. Кундузи қисқа бўлади, (унда) рўза тутади. Туни узун бўлади, (унда) қоим бўлади”.

Имом Байҳақий раҳматуллоҳи алайҳнинг “Сунани кубро” китобида келтирилган ушбу ҳадисни такрор-такрор ўқиб кўринг. Аввало, ҳадис матни кўзингизни, кўнглингизни яшнатади, қалбингизга баҳорий илиқлик олиб киради. Мазмунига руҳиятингиз боғланади. Иншоаллоҳ, бу қишни кўкламдек фараҳбахш ўтказишга ният қиласиз.

Бу муборак ниятингиз рўёби учун islom.uz портали сизга яқиндан ёрдам беришга шай. Келаётган қишнинг совуқ ва қоронғу тунларини ибодат, илм, зикр ва дуолар ёрдамида илиқ ва мунаввар бўлишида ёрдамчингиз бўлиш ниятида. Бу ишда Аллоҳ таолонинг Ўзи тавфиқ берсин.

Келгуси фурсатларда “Қиш мўминнинг баҳори” сарлавҳаси остида туркум мақолалар беришни ният қилдик. Зеро, кумуш фаслнинг узун тунларидаги олтин лаҳзаларни Роббимиз ёди ила ўтказиш, ўша онлардан унумли фойдаланиш, манфаат олиш ҳузурли, қолаверса, зарурийдир. Чунки Аллоҳнинг зикрисиз ўтган вақтимиз кейин афсус-надоматга сабаб бўлиб қолмасин...

Бизни масрур этувчи, мўминлар баҳори, хуш келдинг, марҳабо!

Islom.uz портали таҳририяти

Муаллиф
islom.uz
Мавзуга оид мақолалар
Инсон... У нимаси билан бошқа жонзотлардан мукаррам бўлди У кимки, фаришталар унга таъзим саждасини қилдилар Дунёда ҳамма нарса унинг хизматида, солиҳ амаллари давоми...

2438 15:17 / 25 январь
Ойнадан қор парчаларининг ўйноқлаб тушишини, шиддат билан ёғаётган ёмғирни кузатиб ўтирираркансиз, беихтиёр Роббим, қудратинг олийrdquo дейсиз. Аллоҳнинг кўзимиз давоми...

2261 17:00 / 18 январь
Ҳадиси шарифда ривоят қилинганки, сафарга чиққан бир одам билмасдан қабр устига капа тикиб олади. Кейин қабр ичидаги инсон Таборак сурасини охиригача қироат давоми...

5798 13:30 / 10 январь
Қиш кунлари бир киприк қоққунча ўтиб кетади. Жуда ҳам қисқалиги сабаб кўп ишларга улгурмай ҳам қоламиз. Аммо шу қисқа фурсатда қанча кўп савоб олиш имкони бўлса, давоми...

1586 16:00 / 29.12.2018
Топ рейтинг www.uz Openstat