Хаттот тиккан Қуръони карим – исломий ютуқлар намунаси
Ҳозирда Туркияда яшаётган суриялик хаттот Муҳаммад Моҳир Ҳозирий Қуръони каримни игна ва тилла ранг ип билан тикиб чиқишга муваффақ бўлди. Бу ҳақда ЎМИ хабар берди.
Ҳозирий Қуръони карим оятларини тикишни 2000 йилда бошлаб, 12 йилда якунлаган. Мазкур Қуръони карим 12 мужалладдан иборат бўлиб, узунлиги 80 см, эни 60 см ва оғирлиги эса 200 кг ни ташкил этади.
Хабарда айтилишича, Муҳаммад Ҳозирий Қуръони карим китобидан ташқари бир қанча тикув меҳнати билан яратган илк исломий санъат асарлари ва лавҳларини Эрон, Сурия, Қувайт, Бирлашган Араб Амирликлари ва Қатар давлатларида ҳам кўргазмага қўйган.
Ҳозирий Қуръони каримни тўлиқ игна ва тилла ранг ип билан тикиб битказганидан сўнг суриялик уламолар текширувидан ўтказган. У мазкур Қуръони каримнинг исломий ютуқлар намунаси сифатида Туркиянинг барча вилоятларидаги музейларда кўргазма қилиниши учун Туркияда қолдиришини маълум қилди.
Islom.uz портали таҳририяти
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
