Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло Жума сурасида шундай марҳамат қилади:

ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ ﭜ ﭝ

«Жумуъа» 

“Осмонлардаги нарсалар ва ердаги нарсалар барча нарсанинг эгаси, барча айблардан холи, ўта иззатли, ўта ҳикматли Аллоҳни поклаб ёд этадир” (1-оят).

Аллоҳга барча нарсалар қандай тасбеҳ айтиши Софф сурасида шарҳ қилинган. Фарқи шундаки, ушбу суранинг биринчи ояти охирида Аллоҳ таолонинг сифатлари келган. Қуръонга хос бўлган ушбу усулнинг кўплаб ҳикматлари бордир. Жумладан, суранинг кейинги оятларида Аллоҳ таолонинг биринчи оятда зикр қилинган сифатларига мос ишлар келади. Сўнгра Аллоҳ таоло инсониятни куфр залолатидан қутқариш учун уларга Муҳаммад алайҳиссаломни пайғамбар этиб юборганини эслатади.