1441 йил 13 рабиъус сони | 2019 йил 10 декабрь, сешанба
Минтақа:
ЎЗ UZ RU EN AR
Мажмуа

Мажмуа қурилиши жадаллик билан илгариламоқда...

18:38 / 29.10.2018 1662 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Маълумки, жорий йилнинг 9 февраль куни мамлакатимиз раҳбари Шавкат Мирзиёев ташаббуси билан янги мажмуа қуриш ва унга шайх Муҳаммад Содиқ Муҳаммад Юсуф номини бериш ҳақида оммавий ахборот воситалари ва ижтимоий тармоқларда хабар берилган эди.

Бугун мажмуада қурилиш ишлари жадаллик билан давом этмоқда. Пойтахтнинг Чилонзор туманида барпо этилаётган ҳамда фазилатли шайх Муҳаммад Содиқ Муҳаммад Юсуф номи бериладиган мажмуанинг қурилиши, унинг кўриниши кўпчиликни қизиқтириши табиий.

Лойиҳага кўра, мажмуа  ҳудуди намозхона, аёллар намозхонаси, таҳорат хоналари, минора, 3 та кириш пештоқи, “Сўгалли Ота” мақбараси, анжуманлар саройи, ташқи ва ички фавворалар, масжид ва унинг саҳни, автоуловлар учун тўхташ жойи ва ҳ.к.лардан иборат эди.

Қарийб саккиз ойдан буён лойиҳа амалдаги ўз тасдиғини топмоқда. Яқинда мажмуа масжидининг бош гумбази қад ростлади ва унга ҳилол ўрнатилди. Ундан ташқари, аёллар намозхонаси, таҳорат хоналари, 2 та минора, ташқи ва ички фавворалар, масжид саҳнининг қурилиши режали асосда олиб борилмоқда. Бунда, уста-қурувчиларнинг фидокорлиги, ғайрату шижоат билан меҳнат қилаётганлари, албатта таҳсинга сазовор.

Шунингдек, мажмуа ёнидан музей ҳам қад ростламоқда. У ерда шайх ҳазратларининг умр йўлига оид қимматли маълумотлар, уларнинг илмий меросини жамлаш режалаштирилган.

Ҳудудда ўзгача чирой бахш этувчи Анжуманлар саройи, лойиҳага кўра 200 ўринга мўлжалланган бўлиб, умумий майдони 591,4 м2 ташкил этади.

Азиз ўқувчилар! Мажмуа қурилиши билан боғлиқ жараёнларни ижтимоий тармоқлардаги саҳифаларимизда кузатиб боринг!

  

Муаллиф
islom.uz
Манба
islom.uz
Мавзуга оид мақолалар
Президентимиз Шавкат Мирзиёев ташаббуси билан Чилонзор туманида барпо этиладиган масжидга Шайх Муҳаммад Содиқ Муҳаммад Юсуф номи бериладиган бўлди.Давлатимиз давоми...

1030 09:51 / 01.09.2018
Жорий йилнинг 10 май куни Ўзбекистон Республикаси Президенти Шавкат Мирзиёев пойтахтимиздаги Шайх Муҳаммад Содиқ Муҳаммад Юсуф номидаги мажмуага ташриф буюрган давоми...

2402 22:37 / 11 май
Қарийб бир йилдан ортиқ вақт мобайнида Шайх Муҳаммад Содиқ Муҳаммад Юсуф роҳимаҳуллоҳ номидаги барпо этилаётган мажмуада қурилиш ишлари бир лаҳза бўлсинда, давоми...

11356 16:40 / 10 май
Хабарингиз бор, куни кеча Тошкент шаҳрида нафақат юртимиз, балки ислом оламида машҳур бўлган, улуғ аллома Шайх Муҳаммад Содиқ Муҳаммад Юсуф роҳматуллоҳи алайҳ давоми...

938 20:08 / 11 май
Топ рейтинг www.uz Openstat