Россияда «Путь» ислом телеканали ишга туширилади
Чеченистоннинг биринчи президенти Аҳмат Қодиров номидаги «Путь» ислом телеканали ўз кўрсатувларини Россия бўйлаб эфирга узатиш учун лицензия олди.
Бу ҳақда Чеченистон Республикаси раҳбари Рамзан Қодиров «ВКонтакте» ижтимоий тармоғидаги ўз саҳифасида маълум қилди.
Унинг айтишича, «Путь» ислом телеканали бундай лицензияга эга бўлган ягона минтақавий телеканал ҳисобланади.
Куни кеча ушбу воқеага бағишланган тантанали тадбир Грознийдаги давлат театр-концерт залида ўтказилди.
ИА IslamNews хабарига кўра, телеканални дунёда таниқли диний арбоб Адам Шахидов бошқаради.
“У туфайли ёшларимиз ислом ҳақидаги билимларини ўрганишга, уларни янада мустаҳкамлаш имкониятига эга бўлишади, бу уларни диний-экстремистик ғоялар таъсиридан асрашга хизмат қилади”, – деб ёзган Чечинистон раҳбари, ижтимоий тармоқдаги ўз саҳифасида.
Islom.uz портали таҳририяти
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
