Дин етакчиларининг VI қурултойи бўлиб ўтади
Жорий йилнинг 10-11 октябрь кунлари Қозоғистон Республикасининг Остона шаҳрида Жаҳон ва анъанавий динлар етакчиларининг VI қурултойи (съезди) бўлиб ўтади. Ушбу тадбирда Ўзбекистон Республикаси делегациясининг ҳам иштирок этиши кутилмоқда.
Анжуман бугунги кунда динлараро ҳамкорлик масалалари борасида музокара ўтказиш учун йирик минбар ҳисобланади. Жорий йилда ушбу тадбирда иштирок этиш учун дунёнинг 42 мамлакатидан 80 дан ортиқ делегация вакиллари ташриф буюришлари кутилмоқда.
Kazakh-tv.kz нашрининг хабар беришича, жаҳоннинг таниқли давлат ва жамоат арбоблари анжуман доирасида замонавий тартиботнинг муаммолари ва чақириқларига ечим топишга умид билдирганлар.
Олтинчи марта ўтказилаётган анжуман "Дин етакчилари хавфсиз дунё учун" шиори остида ўтказилади.
Қозоғистон Республикаси Ташқи ишлар вазирининг берган маълумотларига кўра, анжуманда Сербия президенти, Ислом ҳамкорлик ташкилоти раиси, ЕХҲТ раҳбарлари иштирок этишади. Бундан ташқари, Ўзбекистон, Сингапур, Вьетнам каби давлат вакиллари илк марта иштирок этишлари айтилган.
Islom.uz портали таҳририяти
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
