1445 йил 22 зулқаъда | 2024 йил 30 май, пайшанба
Минтақа:
ЎЗ UZ RU EN
Янгиликлар

Зиёрат диний-маърифий суҳбатларга бой бўлди

16:05 / 24.09.2018 3281 pdf Ўқиш режими + -

Аввал хабар берганимиздек, жорий йилнинг 23 сентябрь куни етук муҳаддис олим шайх Муҳаммад Аввома юртимиздаги зиёратларининг бешинчи кунини Қарши шаҳридан бошладилар.

Шайх Муҳаммад Аввома бошчилигидаги зиёратчилар гуруҳи Қашқадарё вилояти Қарши туманидаги Қовчин қишлоғидаги Абу Муин Насафий қабрини зиёрат қилдилар. Дуои фотиҳалардан сўнг, шайх ҳазрат барча қатнашчиларга дилтор суҳбат қилиб бердилар. Даставвал Қарши (Насаф)дан етишиб чиққан улуғ алломалар, сўнгра Абу Муин Насафийнинг ҳаёти, фаолияти ва илмий ижоди ҳақида тўхталдилар.

– Абул Муин Насафий асарларининг кўпи калом илмининг турли масалаларига бағишланган, – дедилар шайх ҳазратлари. – Олимнинг муаллифлик қилган энг катта манба бу – “Табсиратул адилла” китобидир. У калом илмида энг муҳим манба, кенг ҳажмли, илму калом олимлари орасида машҳур бўлган кучли китобдир. Табсиратул адилла – Имом Насафийнинг эътиқодий масалаларда ҳужжатлари энг аниқ келтирилган китобдир. Далиллар ўта дақиқ. Ғоятда фойдали китоб.

Суҳбат якунида узундан-узун ва хайрли дуолар қилинганидан сўнг, зиёратчилар Сурхондарё вилояти Шеробод туманида жойлашган Абу Исо Термизий мақбараси томон йўл олдилар.

Шеробод туманининг шарқий томонидан 6 км масофада катта қабристон ёнида жойлашган мақбара XI–XII аср меъморий ёдгорликларидан ҳисобланади. Буюк муҳаддис Абу Исо Муҳаммад Термизий шу мақбарага дафн этилган.

Аввал шайх Муҳаммад Аввома ва улар бошчилигидаги зиёратчилар гуруҳи Абу Исо Муҳаммад Термизий қабрлари олдида дуои фотиҳага қўл очдилар. Сўнгра шайх мақбара ёнида жойлашган масжидда ўзига хос суҳбат ўтказдилар. Масжид тингловчилар, толиби илм ва илм аҳли билан тўла эди.

Суҳбат давомида шайх ҳазрат улуғ алломанинг «Ал-Жомиъ-ас-саҳиҳ» (Ишонарли тўплам, яъни «Сунани Термизий»); «Аш-шамоил» («Шамоили Муҳаммадия») асарларига алоҳида тўхталиб ўтдилар. Улардан баъзи бир ҳадисларни келтириб, тингловчиларга рисоладагидек шарҳлаб ҳам бердилар. Суҳбат ғоятда қизиқарли тусда якун топди.

Куннинг иккинчи ярмида зиёратчилар Сурхондарё вилоятининг Термиз шаҳрига ташриф буюрдилар. Меҳмонлар ал-Ҳаким ат-Термизий мажмуасини зиёрат қилдилар, улуғ алломанинг қабри устида дуои фотиҳалар қилинди. Устоз Саййид Раҳматуллоҳ Термизий шом намозини ўқиб бердилар.

Шайх Муҳаммад Аввома ҳазратлари ал-Ҳаким ат-Термизийнинг ёзган «Наводир ул-усул фи маърифат ахбор ар-расул» («Расулуллоҳ хабарлари ҳақидаги нодир усуллар») китобларидан бир қанча ҳадисларни ровийлари билан ўқиб бердилар. Қувонарлиси шундаки, тингловчиларга шу ҳадислардан ижоза бердилар ва дуои хайрлар қилдилар.

Шу аснода Шайх Муҳаммад Аввома ҳазратлари ва улар бошчилигидаги зиёратчилар гуруҳи ўз ташрифларига якун ясаб, Термиз аэропортидан Тошкентга қараб йўл олдилар.

Сафар билан боғлиқ янгиликларни интернет ижтимоий тармоқларидаги расмий саҳифаларимизда кузатиб боринг.

 

Islom.uz портали таҳририяти

Муаллиф
islom.uz
Мавзуга оид мақолалар
Аллома, мураббий, бир қанча китоб ва таҳқиқлар муаллифи, раббоний олим Абу Бакр Аданий ибн Али ҳазратлари фоний дунёдан охират диёрига риҳлат қилдилар. Бу киши давоми...

1443 14:20 / 28.07.2022
Бу йилги қабул жараёнлари қандай ташкил этилиши борасидаги саволлар барчани қизиқтирмоқда. Қабул2020rdquoнинг бошланишига ҳам 11 кун қолди. Шу муносабат билан бугун давоми...

1917 12:00 / 04.06.2020
Испанияда 500 йиллик Қуръони Карим нусхаси топилди. Бу ҳақда .AlAxbor, манбасига таяниб, IQNA сайти хабар берди. Маълумотларга кўра, Қуръони Карим нусхасидан ташқари давоми...

1633 17:49 / 21.08.2023
2017 йилда Бельгияда дунёга келган чақалоқлар орасида энг оммавийлашган исм Муҳаммад бўлди. Бельгия Статистика институтининг маълумотларига қараганда, 2017 йилда давоми...

2075 11:19 / 06.10.2018
Видеолар
Аудиолар

122160 11:58 / 10.10.2018
«Ҳилол» журнали
Китоблар

43511 14:35 / 11.08.2021