1441 йил 24 сафар | 2019 йил 23 октябрь, чоршанба
Минтақа:
ЎЗ UZ RU EN AR
Рамазон

Рамазон ойида бажариш керак бўлган баъзи бир хайрли амаллар

15:52 / 18.05.2018 2573 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ўзининг бандаларига чексиз раҳмати туфайлигина бизнинг гуноҳ ва масиятларимизга қарамасдан, берган ва бераётган раҳматларига  лойиқ бўлмасакда Оламларнинг Роббисига ҳамдлар бўлсин.

Яна бир Рамазонни қарши олишимиз – жуда катта ҳурсандчилик ва Аллоҳ томонидан Одам фарзандига берилган улкан неъматлардан биридир.

Рамазон – бу чексиз раҳмат дарёси бўлиб, бизнинг ҳаёт уммонимизга оқиб кирувчи ва уни покловчи омилдир. Бу қалбларимизни тубигача кирувчи нурдир. Ва ниҳоят бу навбатдаги барча нарсани ўзгартириш ва фаҳр билан: “Мен мусулмонларданман, ва ўз динимни амрига бўйинсунувчиман” –дейиш имкониятидир.

Набий саллоллоҳу алайҳи васалламнинг ҳадисларидан бизга душманларнинг душмани, лаънатланган, етти осмондан қувилган иблис бу барака ойида занжирбанд холатда бўлиб бизга зарар етказа олмаслигини биламиз.  Айнан шу ҳолат эътиборидан биз аниқ биламизки, иблис аслида ҳеч қачон бизнинг йўлимизда  асосий тўғаноқ бўлмаган. Ҳақиқатда эса аввал ҳам ҳозирда ҳам ўзимизнинг худбин нафсимиз, бизга асосий тўғаноқ ҳисобланади. Асов от каби уни вақтида жиловламасак у бизни ҳалокат сари етаклайди.

Аллоҳнинг Ҳабиби саллоллоҳу алайҳи васаллам айтганларидек, бу ой-  вақтларнинг энг яхшиси бўлиб ( яъни том маънода) турмуш тарзимизни ўзгартириш, ман қилинган нарсалардан сақланиш ва наҳий қилинган ишлардан тийилиш имконидир. Худди лоторея чиптсига чиққан омадли ютуқ каби, бизга соғлом ақл билан барча зарарли иллатлардан ҳоли бўлиш насиб қилди, энди бундан имкон қадар жуда катта фойда олиш илинжида ҳаракат қилишимиз керак.

Бу ойнинг фазилатлари ва ҳикматлари ҳақида жуда кўп гапирилган ва ёзилган, мен катта олим ва уламоларнинг сўзларига бирор бир янги нарса қўшишим амри маҳол.  Бу кичкина мақоламда бир нечта тавсияларни келтираман. Ожизона фикрим бўйича тавсиялар энг яхши бўлмаса ҳам уларни ҳаётга тадбиғи ва одат тусига айланиши жуда фойдали бўлади.

1. Қуръон тиловати

Китобларнинг китоби, ваҳий ва илм нури – Муқаддас Қуръон, ўқилган ҳар бир харфи учун чексиз ажрлар оладиган китобимиз. Амалда бир кунда 20 дақиқани Қуръон ўқишга ёки хос суралар тиловатига ажратсак (агар сиз энди бошлаган бўлсангиз, унда 20 дақиқа ўқишни ўрганиш учун) ва ҳосил бўлган савобни мусулмон умматига баҳшида этсак, хоссатан биз хафа қилиб қўйган инсонларга бу жуда катта ажрларга сабаб бўладиган иш.

Бу кўринишидан мураккаб бўлмаган ибодат тури бўлиб, қиёмат куни, Аллоҳнинг раҳматига жуда муҳтож бўлиб турганимизда мезондаАллоҳнинг меҳрибонлиги сабаб тош босадиган амал бўлади.

2. Садақа

Агар Гиппократни сўзини ўзгартирсак “Ўзгаларга ёрдам бериб –ўзимни қутқараяпман”

“Садақа” сўзи биз билгандек жуда чуқур маънони ўзида мужассамлаштирган, ва қўлланилишида жуда универсал Калашников автоматидан кам эмас.

Мусулмонга берилган ҳар қандай ёрдам садақа ҳисобланади. Бу каби аксарият ҳолатларда қилинаётган савобнинг хажми эмас, ундаги ихлос муҳим аҳамият касб этади.

Ҳар қандай амални холисАллоҳ учун қилиб, ниятимизни соф, мунофиқликдан, риёдан  ҳоли қиламиз.  

3.  Муносабатларни «Таъмирлаймиз»

Кимнидир хафа қилган, ғазабига учраган бўлсак , алоқаларни тиклаймиз. Хақ бўла туриб бировдан узр сўрашчалик оғирроқ иш бўлмаса керак. Аммо шундай қилганларга  жаннат марказидаги қаср башорати энг яхши – рағбатдир.

4.  Ўтмишни «ёқамиз»

Рамазон ойигача сиз ким эдингиз ?

Худбин ва мижғов ?

Балким хасис ва дангаса ?

Буниси муҳим эмас, чунки олдимизда ҳамма нарсани ўзгартириш имконияти турибди. Ўзини ислоҳ қилиш ҳам кичик иш эмас. Бир варақ қоғоз олиб яқин кишиларимизнинг фикрича биз анча аввал халос бўлишимиз керак бўлган  ўз камчиликларимизни ёзиб чиқамиз. Кундаликка ўхшаш нарса тутсак бўлади ва ўз устимизда назорат хулосаларни қайд этиб борамиз. Неча марта жаҳлимиз чиққанини ва сабабларини ёзамиз. Буни алоҳида белгилаб, бу гуноҳни бошқа қилмасликка кўп куч ажратиб, таг томири билан йўқотишга ҳаракат қилинг. Ўзингиздаги нозик жиҳатларни иродангиз билан енгишга ҳаракат қилинг натижада ишонинг сизни умуман дунёни тубдан бошқа ҳолатда қабул қилувчи одам бўлиш кутиб турибди.  Бу иш шунга арзийди, биродарлар !

 P.S.  Хулоса қилиб айтадиган бўлсак- биз ўзимиз юрадиган йўлларимизни танлаймиз, шу боис бу муборак ойда ҳам ўз ҳаётимизни барбод қилиб қуйишимиз мумкин. Лекин ўзингизга бир савол бериб кўринг – Агар бу мен учун сўнгги Рамазон бўлсачи ?



Муаллиф
islom.uz
Мавзуга оид мақолалар
.Аллоҳ одамларга Ўз оятларини ана шундай баён этади. Шоядки, тақво қилсалар,. Эътибор берсак, рўза ҳақидаги оятлар мажмуасининг биринчисида ҳам тақвога урғу давоми...

1759 00:44 / 18.05.2018
Ҳар бир рўзадор, рўзаси ва қиёмитаровиҳ намози солиҳ, мақбул бўлишини умид қилади. Саъйҳаракатини Аллоҳнинг наздида мақтовга сазовор бўлиши хоҳлайди. Ва манашу давоми...

1753 12:37 / 14.06.2018
Ассалому алайкум азизлар Ийдул Фитр байрами барчангизга муборак бўлсин Ҳар йили қалбимизда интиқлик ва алоҳида эътибор билан кутадиган раҳмат ва мағфират ойи давоми...

1450 19:15 / 14.06.2018
Рамазон ойидаги рўза сабабли ҳиндистонлик Рахул исмли йигит Исломни қабул қилди. Рахулнинг қиссаси қандай Қандай қилиб у Исломга кирди Рамазон ойи ва ундан кейин давоми...

3291 14:18 / 17.05.2018
Топ рейтинг www.uz Openstat