1446 йил 11 Рамазон | 2025 йил 11 март, сешанба
Минтақа:
ЎЗ UZ RU EN
Янгиликлар

Мусҳаф муборак!

13:29 / 29.03.2018 7743 pdf Ўқиш режими + -

Бисмиллаҳир Роҳманир Роҳийм

Бугун тарихий кун бўлди!

2018 йилнинг 28 март санаси Ўзбекистонимиз тарихига ажойиб янгилик билан кирди. Аллоҳ таолонинг муборак каломи, барчани ожиз қолдирувчи мўъжиз каломи бўлмиш мусҳафи шариф узоқ давом этган узилишдан сўнг, истиқлол йилларида илк бор чоп қилинди. Жаннатмакон юртимиз пойтахти Тошкентнинг Ал-Хоразмий даҳасига кираверишда жойлашган илму ирфон марказининг савдо мажмуасида «Ҳилол-нашр» мажмуаси томонидан чоп қилинган мусҳафимиз халққа тақдим қилинди. Қалбларимиз шодликка тўлиб-тошди, кўзларимизга яна бир бор севинч ёшлари қалқиди.

Аллоҳ таоло ушбу хайрли ишларга бош-қош бўлганларга, ҳисса қўшганларга беҳисоб ажру савоблар берсин! Хусусан, ноширимиз Исмоил ҳожи Муҳаммад Содиқ жанобларига ажру савобларини кўпайтириб берсин, даражаларини Қуръон билан баланд қилсин, Қуръон ҳидоятида бардавом қилсин, охиратда Қуръон шафоатига эриштирсин!

Ушбу манфаатли илм ва садақаи жорияларнинг савобу самаротларидан у кишининг падари бузрукворлари, барчамизнинг устозимиз шайх Муҳаммад Содиқ Муҳаммад Юсуф ҳазратларини, у зотнинг қиблагоҳлари Муҳамммад Юсуф ҳожи домлани ҳамда ушбу хонадон аҳлларидан ўтган барча азизларни то рўзи маҳшар баҳраманд айлаб турсин, қабрларини нурга тўлдирсин! Волидаи муҳтарамаларига узоқ умр берсин, Ўзининг офияти ва баракотида бардавом қилсин!

Бу ишга моддий ва маънавий улуши қўшилган ҳар бир мўмин-мусулмон биродарларимизнинг Қуръонга қилган хизматларини садақаи жорияга айлантирсин, савобларидан ўтганларини баҳраманд қилиб, фарзандларидан ҳам дину диёнатга, Қуръонга, ҳадисга, шариатга хизмат қиладиган улуғ уламолар етишиб чиқсин!

Аллоҳ таоло юртимизга ёғдираётган неъматларини янада зиёда қилсин!

Ёмон кўзлардан, ҳасад, иғво, бўҳтонлардан, макру ҳийлалардан асрасин!

Бу буюк хизматда қоим бўлиб турган барча азизларимизга доимо куч-қувват берсин, Ўзи мададкор бўлсин! Аллоҳ таолонинг динига хизмат қилганларга бахту омад ёр бўлсин!

 Дуоларимизнинг охири – оламларнинг Робби Аллоҳ таолога ҳамду санолар бўлсин!

Муаллиф
islom.uz
Мавзуга оид мақолалар
Бугун Таиланд пойтахти Бангкокда ЖанубийШарқий Осиё мамлакатлари саммити АСЕАН ўз ишини бошлайди. Қатор инсон ҳуқуқларини ҳимоя қилиш ташкилотлари ташкилотнинг давоми...

2184 10:48 / 20.06.2019
Исломий G8rdquo ташкилоти унга аъзо мамлакатлар орасида савдосотиқни йўлга қўйиш учун ўзининг тўлов картасини яратишини маълум қилди. Ташкилот Бош котиби Дато Ку давоми...

1735 07:00 / 23.01.2019
Шаҳарликлар 2022 йилнинг илк бомдод намозини Аё София масжидида адо этишди.Унда Туркиянинг Дин ишлари раҳбари Али Эрбаш ҳамда фуқаролар иштирок этди.Дин ишлари давоми...

1748 08:00 / 02.01.2022
Саудия Арабистонининг .АлИттиҳод, клуби аъзосига айланган Карим Бензема 7 июнь куни Жиддага етиб келиб, клуб томонидан таништирилди. Франциялик ҳужумчи клуб давоми...

1198 08:40 / 09.06.2023