Ҳаёт менга шундай таълим берди
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳақиқат шуки, сиздаги гўзал ахлоқ бошқаларнинг бадхулқлиги сабабидан мукаммаллик сари кўтарилиб боради.
Агар сиҳат-саломатлик бўлмаганда, инсон вожиб амалларни қилмас, фазилатли амалларга шошилмаган бўларди;
Агар вожиб ва фазилатли амаллар бўлмаганда, бу ҳаётда инсоннинг мавжудлигидан бирор маъно бўлмасди.
Ҳаётдаги буюк муваффақият
Ҳаётингиздаги буюк муваффақият – бу ўзингизнинг рағбатларингиз ва аёлингиз рағбатлари орасида мувофиқликни сақлай олишингиздир.
Ҳақ ва ботил суҳбати
Бир куни ҳақ ва ботил йўлда кетаётиб, баҳслашиб қолишди. Ботил гап бошлади:
- “Мен сендан бир бош устунман”.
- Ҳақ жавоб берди: “Мен сендан мустаҳкам ва собитроқман”.
- Ботил: “Мен сендан кучлироқман”.
- Ҳақ: “Мен сендан боқийроқман”.
- Ботил: “Менинг атрофимда кучлилар ва дабдаба эгалари (жиноятчилар) бор”.
- Ҳақ: “Худди шунга ўхшаш ҳар бир шаҳарда катта жиноятчиларни унда макр қилиш учун қўйиб юбордик. Улар сезмаган ҳолда фақат ўзларига ўзлари макр қиладилар, холос” (Оли Имрон, 6-оят).
- Ботил: “Сени ҳозирнинг ўзида ўлдиришга қодирман”.
- Ҳақ: “Майли, ўлдиришинг мумкимдир, аммо менинг авлодларим бироз вақт ўтса-да сени ўлдирадилар!”.
- Ҳаётдаги ажиб ҳолат
- Инсон ҳаётидаги ажабланарли ҳолат шуки, инсон ўзини ўзи ҳалокатга олиб борадиган нарсани талаб қилишдан чарчамайди.
Доктор мустафо ас-Сибоийнинг
“Ҳаёт менга шундай таълим берди”
китобидан Ҳасанбой Эргашов таржимаси
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
